“Türkiyə prezidenti Rəcəb Tayyib Ərdoğan müxtəlif araşdırma mərkəzlərinin seçkiqabağı sorğularına əhəmiyyət vermir, mitinqlərdə, seçicilərlə görüşlərdə ictimaiyyətin reaksiyasını dəyərləndirir”.

GUNDEMXEBER.AZ türk mediasına istinadən xəbər verir ki, bunu Türkiyə liderinin nümayəndəsi İbrahim Kalın deyib.

Seçkidən əvvəl bir neçə mərkəz öz sorğularının nəticələrini dərc edib. Xüsusilə Avrasiya Mərkəzinin məlumatına görə, sorğuda iştirak edənlərin 51,3 faizi Kamal Kılıçdaroğluna, 44,2 faizi isə hazırkı prezident Rəcəb Tayyib Ərdoğana səs verməyə hazırdır. OR Mərkəzi də sorğunun nəticələrinə istinad edərək, Kılıçdaroğlunun ilk turda 7% fərqlə qalib gəlməsini təmin etmişdi.

“Sorğu keçirən şirkətlərin reallıqdan uzaq olan proqnozlar verməsini müzakirə etmək lazımdır. Prezident Ərdoğan deyir ki, seçkiqabağı sorğulara baxmır, meydanlardakı vəziyyəti dəyərləndirir. Son seçkilərdə də haqlı olduğu ortaya çıxdı. Bir daha aydın oldu ki, xalqımızın seçimini öyrənmək üçün 3-5 min adamdan fikir soruşmaq düzgün yol deyil”, deyə Kalın bildirib.

Onun fikrincə, sorğulardakı əsas səhv hakim partiilə ittifaqda olan Milliyyətçi Hərəkat Partiyasının (MHP) seçkilərdə əldə etdiyindən daha az səs faizinin proqnozlaşdırılması olub.

Qeyd edək ki, mayın 14-də Türkiyədə parlament və prezident seçkiləri keçirilib. Türkiyə Yüksək Seçki Komissiyası mayın 28-də keçiriləcək prezident seçkilərinin ikinci turunu rəsmən elan edib. MSK-nın məlumatına görə, Rəcəb Tayyib Ərdoğan 49,51%, rəqibi Kamal Kılıçdaroğlu isə 44,88% səs toplayıb.

GUNDEMXEBER.AZ