Ədliyyə Nazirliyi Penitensiar xidmətinin əməkdaşları tərəfindən həbsxanaya qadağan olunmuş vasitə keçirilməsinin qarşısı alınıb.
Qobustanda yerləşən həbsxananın əməkdaşı, ədliyyə kiçik giziri İlqar Əlisurət oğlu Süleymanovun üzərinə baxış keçirilərkən ondan 1 ədəd “Samsunq” markalı mobil telefon aparatı aşkar edilərək götürülüb.

İ.Süleymanov Penitensiar xidmətin rəisi, general-leytenant Mədət Quliyevin əmri ilə tutduğu vəzifədən azad edilərək, ədliyyə orqanlarından xaric edilib.

Fakt üzrə materiallar prokurorluq orqanlarına göndərilib.