2013-cü ildə ölən tələbə və şagirdlərin sayı açıqlanıb

Təhsil Ötən il Azərbaycanda dünyasını dəyişmiş tələbə və magistrlərin sayı açıqlanıb. ANS PRESS-in Tələqə Qəbulu Dövlət Komissiyasına istinadən verdiyi məlumata görə, 8 noyabr 2013-cü il tarixinə qədər təhsil müəssisələri tərəfindən “Tələbə-Məzun” Dövlət Elekton Məlumat Sisteminə bakalavr səviyyəsində təhsil alan 85 tələbənin və 1 magistrin ölümü ilə bağlı məlumat daxil olub.

Məlumatlar “Tələbə- Məzun” Dövlət Elekton Məlumat sistemində qeyd olunub. Sistemdə həmçinin tam orta ixtisas bazası üzrə təhsil alanların 28-nin öldüyü bildirilir.

Sistemdə ümumi orta ixtisas bazası üzrə təhsil alan 32 şagirdin də vəfat ediyi qeyd olunub.

Qeyd edək ki, 8 noyabr 2013-cü il tarixinə qədər təhsil müəssisələri tərəfindən “Tələbə- Məzun” Dövlət Elekton Məlumat sisteminə ümümilikdə 146 nəfər tələbə- şagirdin ölməsi barədə məlumat daxil edilib.

Qeyd edək ki, Tələbə-Məzun Dövlət Elektron Məlumat Sistemi (TMDEMS) 28 mart 2012-ci ildən yaradılıb.