Fevralın 2-də saat 16 radələrində Masallı rayonu Balatəklə kəndinin ərazisində yol-nəqliyyat hadisəsi baş verib. Lent.az-ın Daxili İşlər Nazirliyinin saytına istinadən verdiyi məlumata görə, qorunmayan keçiddə rayon sakini Vüqar Əliyevin idarə etdiyi “Mercedes” markalı mikroavtobusu elektrovoza vurub. Xəsarət almış V.Əliyevə və sərnişinləri, həmyerliləri Gülmirə Ağayevaya, Rəna Əsgərovaya xəstəxanada ilkin tibbi yardım göstərilib.

Faktla bağlı araşdırma aparılır.