Filippinin Ampatuan bölgəsində yaşayan 35 yaşlı Dante Amil, 21 yaşlı Paroy Amil və 18 yaşlı İbrahim Amil həbs olunublar. Üç qardaş anaları, 56 yaşlı Musala Amili vəhşicəsinə qətlə yetirməkdə suçlanırlar.
Qardaşların analarını öldürəndən sonra qadını şaqqaladıqları, sonra isə bəzi tikələri yedikləri güman edilir.

Milli.az bildirir ki, tükürpədici olay Filippinin Ampatuan bölgəsindəki Baranqay Kamas rayonunun Purok Nabadtog kəndində yaşanıb.

Polisdən verilən məlumata görə, qonşular Amillərin evindən gələn fəryad səslərini eşidiblər.
"Bu qardaşlar anaları Musala Amili maçete zərbələri ilə öldürəndən sonra onu şaqqalayıblar. Böyük qardaş Dante Amil iri bıçaqla anasının qarnını yarıb, onun qaraciyərini, ürəyini və mədəsini çıxarıb. Paroy Amil isə anasının qollarını doğrayıb.

Bundan sonra qardaşlar analarının bu "tikə"lərini çiy-çiy yeyiblər.
Qardaşlar polisdə verdikləri ifadələrdə onlara qarşı irəli sürülmüş ittihamları qətiyyətlə rədd ediblər.

Onların sözlərinə görə, analarının vücuduna cin, İblis yerləşibmiş.
"Son vaxtlar anamın davranışında çox pis dəyişikliklər vardı. Bizə dedilər ki, anamızın vücuduna cin, İblis yerləşib. Biz də o cini çıxarmaq istədik", - Dante Amil deyib.

Ampatuanın polis rəisi Ronald De Leonun dediyinə görə, analarını öldürərək onun vücudunun müəyyən hissələrini yemiş qardaşların narkoman olmaları ilə bağlı gümanlar var.

"Qardaşların psixi sapıntılara məruz qaldıqlarını da istisna etmirik", - De Leon söyləyib.