Qanunsuz telefon dinləməyi qəbul edən polis burda heç bir qərəz olmadığını deyib

Türkiyədə yüksəkçinli dövlət məmurlarının telefon danışıqlarının qanunsuz dinlənilməsi barədə başladılan məhkəmədə şok iddialar səsləndirilib. "gundemxeber.az"ın xəbərinə görə, Adanada bu çərçivədə istintaqı davam edən 9 polisin hər biri barədə 47 il həbs tələbi ilə hazırlanan iddianamə Ağır Cinayətlərə dair məhkəmə tərəfindən qəbul edilib. Qanunsuz dinləmələr barədə ifadəsi alınan polislər bəzi cinayətlərin qarşısını almaq üçün bu addımı atdıqlarını bildiriblər.
Adana Təhlükəsizlik şöbəsi rəisinin müavini ikən Trabzon polis idarəsinə təyin olunan Aytaç Akyol ifadəsində bu sayədə bəzi terrorçuları ələ keçirdiklərini, hətta baş nazir Ərdoğana istiqamətlənmiş sui-qəsdin qarşısını aldıqlarını deyib.
“Mən Adanada 2004-cü ildən 2012-ci ilə qədər fəaliyyət göstərmişəm. Bu dövrdə baş nazirimiz cənab Rəcəb Tayyib Ərdoğana qarşı sui-qəsd iddiaları ilə axtarışda olan A.Ö. adlı terrorçunun saxlanılması, bundan başqa məhkəmə, polis idarəsi və s. bu kimi inzibati binaların hədəfə götürən 7-8 nəfərlik kamikadze hücumçusunun saxlanılması tədbir məqsədli dinləməlr sayəsində əldə olunan məlumatlarla mümkün olub. Bu dinləmələrdə heç bir qərəzdən söhbət gedə bilməz. Mənə istinad olunan cinayətləri qəbul etmirəm” – deyə Akyol ifadəsində bildirib.