Layihə: “Məşhur cütlüklər”

Amerikanın ən dəbli qadını ilə ən varlı kişisinin evliliyi sözsüz ki, hadisə idi. Bir vaxtlar ABŞ-ın birinci xanımı indi yunan əsilli “dəniz qulduru” hesabına okeanın birinci xanımı olacaqdı.

Aristo Onassisin Jaklin Kennedi ilə evliliyi bəlkə də XX əsrin ən qalmaqallı izdivacı idi.

Təsadüfi deyildi ki, bu evlilik dünyada ən çox müzakirə olunan hadisə idi. Amerikalılar qəzəb vulkanına dönmüşdü. Axı Jaklin bütün Amerikanın sevimlisi olan prezidentin ruhuna hörmətsizlik etmişdi. Çoxları Jaklinin bu addımını sona qədər bağışlamır, hətta Jaklin haqda danışanda onun soyadının əvvəlindəki “O” hərfini ixtisara salırdı: “Jaklin nasis”.

Amerikanın birinci xanımı

Uşaq yaşlarından Jaklin Buvye özü üçün dəqiqləşdirmişdi ki, bütün kişilər qadınlarını aldadır. Gözünün qarşısında atası vardı. Atasının xəyanəti ailənin dağılması ilə nəticələnmişdi.

Amma Jaklin atasına çox bağlı idi. O hesab edirdi ki, atası səhv etməyib. O, bütün ömrü boyu sevdiyi kişilərlə atasının obrazı arasında oxşarlıqlar axtaracaqdı. Və sevdiyi kişilərə onu əllərində alət kimi istifadə etməyə imkan verəcəkdi.

Jaklin Buvye və Con Kennedinin toyu amerikalılar üçün bir nağıl idi. Ümidverici senator və intiligent qadın amerikalıların sevimlisinə çevrildi. Daha sonra Con Kennedi ABŞ-ın 35-ci prezidenti olanda ölkə prezidenti qədər öz birinci xanımını da sevməyə başladı.
Axı ilk dəfə idi ki, Amerikanın belə gənc və gözəl birinci xanımı var idi.

Amma bu xoşbəxt birinci ailənin çoxlarının bilmədiyi sirləri vardı. Bu sirlərin kökündə Kennedinin xəyanətlər dayanırdı.
Maraqlısı o idi ki, hər dəfə Jaklin xoşagəlməz əhvalat barədə eşidəndə öz əvəzolunmaz imicini bir az da cilalayırdı. O, hər dəfə yeni və daha gözəl imicdə kütlə qarşısına çıxırdı. İndi kütlə artıq onu ikona qiyafəsində görmək istəyir və bəlkə də görürdü.

“Dəniz qulduru” ilə görüş

Argentina pasportu gəzdirən, əslən yunan olan milyarder biznesmen Aristotel Onassislə Jaklini bacısı Li tanış etmişdi. Li Jaklinin ən sadiq dostu və ən barışmaz rəqibi idi.
Onassis varlı, ehtiraslı, xarizmatik bir macəra axtaran idi. O, möhtəşəm enerjiyə malik biri idi.

Onassis Jaklinin bacısı ilə görüşürdü, amma onunla evlənmək ağlından belə keçmirdi. Günlərin bir günü Jaklin Conun və onun qardaşı Robertin iradəsinin əleyhinə olaraq Onassisin yaxtasında səfərə çıxır.

Kruizdən qayıtdıqdan sonra Onassis hər iki bacıya çox qiymətli hədiyyələr verir. Jaklin Aristotelin ağlını almışdı. O Jaklinə başqa qadınlar kimi heyvani hisslərlə yanaşa bilmirdi.
Bu səfərdən bir ay sonra Con Kennedi qətlə yetirilir.

Kennedi qardaşlarının Onassisi görməyə gözü yox idi. Onassis hesab edirdi ki, Con və Robert onun işlərinə daima mane olur.

Aristotel Onassis ilk milyonunu 25 yaşında qazanmışdı. O, öz rəqiblərini qurduğu unikal biznes kombinasiyaları, hakimiyyət strukturlarını isə pulu isə zərərsizləşdirə bilmişdi.

Aristo öz biznesini sözün həqiqi mənasında “oğru qanunları“ ilə idarə edirdi.

Məhz Kennedi hakimiyyətə gələndən sonra Bobbi Kennedinin baş prokuror olaraq mafiyaya müharibə elan etməsi onun üçün problemlər yaratmışdı.

Con Kennedinin ölümündən sonra Bobbi Jaklinlə sevgi macərası yaşamışdı. Onassis isə Jaklinlə rəsmən evlənmək istəyirdi.

Onassis başa düşürdü ki, o, pulu ilə hər şey ala bilər, amma ona pulla alınan qadın sevgisi lazım deyildi. Aristotel Jaklinin sevgisini istəyirdi.

Dünya şokda

Beləliklə, Onassis Jaklinə tez-tez baş çəkməyə başlayır. Hətta bəzən bir çox problemlərini də həll edirdi.

Jaklin Kennedinin ölümündən sonra yeni hücumlardan və övladlarının həyatına yarana biləcək təhlükədən qorxurdu. Jaklin qüvvətli bir müdafiəçi istəyirdi. Və belə bir müdafiəni onun üçün Aristotel Onassis qura bilərdi.

Amma Kennedilər ailəsi bunu eşidəndə bərk əsəbiləşdilər. Prezidentlik marafonuna hazırlaşan Bobbi Kennedi məsələni belə qoydu: “Nə qədər ki, mən sağam, sən Onassisə ərə getməyəcəksən”.

5 iyul 1968-ci ildə prezidentlik marafonuna hazırlaşan Bobbi qətlə yetirilir.

Jaklin bu “qan gölündə” boğulurdu. Və o, Aristoteldən xahiş edir ki, onu bu dəhşətli ölkədən aparsın.

10 oktyabr 1968-ci ildə Aristotel Onassis Jaklinin barmağına 1,2 milyon dollar dəyəri olan nişan üzüyü taxır. Həmin vaxt Jaklinin 39, Aristotelin isə 62 yaşı vardı.
Oktyabrın 20-də onlar rəsmən nikaha girirlər.

Hamı bu nikaha qarşı çıxırdı. Kennedilər, Onassisin oğlu, qızı və bütün Amerika.

Nə qədər qəribə də olsa, bütün ətrafdakıların iradəsinin əleyhinə gedən bu sevgi alovu bir neçə həftədən sonra sönməyə başladı.

Bu evlilik formallıqdan başqa bir şey olmadı. Jaklin Onassisin pullarını hara gəldi xərcləyirdi. Aristotel isə əvvəlki arvadı Mari Kallasın yanına qayıtdı.

Pul və hakimiyyət

Çox keçmədi ki, Aristotel Onassis dərk elədi ki, Jaklin ilə nikah sonda onu qəpiksiz qoya bilər.
Onassis müstəqil detektivlə müqavilə bağladı və Jaklinin hər addımını izləməyə başladı. Onassis hesab edirdi ki, Jaklinə qarşı kompromat toplayıb tezliklə boşana bilər.

Amma Aristotelin planlarını oğlu Aleksandrın qəfil ölümü alt-üst elədi. Bundan sonra onun həyat enerjisi tükənməyə başladı. Və onun üçün heç nəyin əhəmiyyəti qalmadı.

15 mart 1975-ci ildə Aristotel Onassis vəfat elədi. Onun adı uğurlu biznes, var-dövlət, şan-şöhrət simvoluna çevrilmişdi. O, son günlərini Paris ətrafındakı xəstəxanada keçirdi. Yanında isə Jaklinin bacısı və bir də qızı vardı.
Jaklinin vəkili dəfndən dərhal sonra Onassisin var-dövlətində payları barədə iddia ilə çıxış elədi. Onassis Jaklin üçün az bir məbləğ vəsiyyət eləmişdi. Amma Kristina Onassis Jaklinə 26 milyon verdi ki, o, Onassis ailəsi ilə ayrılığını rəsmiləşdirsin.

Təhlükəli qadın

Beləliklə, Jaklin özü və övladlarının gələcəyini təmin etmiş oldu.

Jaklin həmişə maraqla izlənən qadın olaraq qaldı. Amerika onu sevməsə də, Onassis öləndən sonra da ona maraq həmişə vardı.

Aristotelin ölümündən sonra Jaklin redaktor işləməyə başlayır. Amma hamının gözlədiyini bilsə də, bu sirli xanım memuarlarını yazmadı.
1994-cü ildə Jaklin Kennedi xərçəngdən vəfat etdi.
Çoxları onu Kennedi və Onassis klanı arasında bölünə bilməyən “alma” hesab edirdi.

Con Kennedinin kişik qardaşı Teddi Kennedinin 2009-cu ildə öləndən sonra çox maraqlı bir əl yazısı üzə çıxdı. O, Jaklinə vurulduğunu və buna görə çox qorxduğunu yazmışdı: “Mən qorxurdum ki, bu sevgi mənə həyatım bahasına başa gələ bilər”.Layihə: “Məşhur cütlüklər”

Amerikanın ən dəbli qadını ilə ən varlı kişisinin evliliyi sözsüz ki, hadisə idi. Bir vaxtlar ABŞ-ın birinci xanımı indi yunan əsilli “dəniz qulduru” hesabına okeanın birinci xanımı olacaqdı.

Aristo Onassisin Jaklin Kennedi ilə evliliyi bəlkə də XX əsrin ən qalmaqallı izdivacı idi.

Təsadüfi deyildi ki, bu evlilik dünyada ən çox müzakirə olunan hadisə idi. Amerikalılar qəzəb vulkanına dönmüşdü. Axı Jaklin bütün Amerikanın sevimlisi olan prezidentin ruhuna hörmətsizlik etmişdi. Çoxları Jaklinin bu addımını sona qədər bağışlamır, hətta Jaklin haqda danışanda onun soyadının əvvəlindəki “O” hərfini ixtisara salırdı: “Jaklin nasis”.

Amerikanın birinci xanımı

Uşaq yaşlarından Jaklin Buvye özü üçün dəqiqləşdirmişdi ki, bütün kişilər qadınlarını aldadır. Gözünün qarşısında atası vardı. Atasının xəyanəti ailənin dağılması ilə nəticələnmişdi.

Amma Jaklin atasına çox bağlı idi. O hesab edirdi ki, atası səhv etməyib. O, bütün ömrü boyu sevdiyi kişilərlə atasının obrazı arasında oxşarlıqlar axtaracaqdı. Və sevdiyi kişilərə onu əllərində alət kimi istifadə etməyə imkan verəcəkdi.

Jaklin Buvye və Con Kennedinin toyu amerikalılar üçün bir nağıl idi. Ümidverici senator və intiligent qadın amerikalıların sevimlisinə çevrildi. Daha sonra Con Kennedi ABŞ-ın 35-ci prezidenti olanda ölkə prezidenti qədər öz birinci xanımını da sevməyə başladı.
Axı ilk dəfə idi ki, Amerikanın belə gənc və gözəl birinci xanımı var idi.

Amma bu xoşbəxt birinci ailənin çoxlarının bilmədiyi sirləri vardı. Bu sirlərin kökündə Kennedinin xəyanətlər dayanırdı.
Maraqlısı o idi ki, hər dəfə Jaklin xoşagəlməz əhvalat barədə eşidəndə öz əvəzolunmaz imicini bir az da cilalayırdı. O, hər dəfə yeni və daha gözəl imicdə kütlə qarşısına çıxırdı. İndi kütlə artıq onu ikona qiyafəsində görmək istəyir və bəlkə də görürdü.

“Dəniz qulduru” ilə görüş

Argentina pasportu gəzdirən, əslən yunan olan milyarder biznesmen Aristotel Onassislə Jaklini bacısı Li tanış etmişdi. Li Jaklinin ən sadiq dostu və ən barışmaz rəqibi idi.
Onassis varlı, ehtiraslı, xarizmatik bir macəra axtaran idi. O, möhtəşəm enerjiyə malik biri idi.

Onassis Jaklinin bacısı ilə görüşürdü, amma onunla evlənmək ağlından belə keçmirdi. Günlərin bir günü Jaklin Conun və onun qardaşı Robertin iradəsinin əleyhinə olaraq Onassisin yaxtasında səfərə çıxır.

Kruizdən qayıtdıqdan sonra Onassis hər iki bacıya çox qiymətli hədiyyələr verir. Jaklin Aristotelin ağlını almışdı. O Jaklinə başqa qadınlar kimi heyvani hisslərlə yanaşa bilmirdi.
Bu səfərdən bir ay sonra Con Kennedi qətlə yetirilir.

Kennedi qardaşlarının Onassisi görməyə gözü yox idi. Onassis hesab edirdi ki, Con və Robert onun işlərinə daima mane olur.

Aristotel Onassis ilk milyonunu 25 yaşında qazanmışdı. O, öz rəqiblərini qurduğu unikal biznes kombinasiyaları, hakimiyyət strukturlarını isə pulu isə zərərsizləşdirə bilmişdi.

Aristo öz biznesini sözün həqiqi mənasında “oğru qanunları“ ilə idarə edirdi.

Məhz Kennedi hakimiyyətə gələndən sonra Bobbi Kennedinin baş prokuror olaraq mafiyaya müharibə elan etməsi onun üçün problemlər yaratmışdı.

Con Kennedinin ölümündən sonra Bobbi Jaklinlə sevgi macərası yaşamışdı. Onassis isə Jaklinlə rəsmən evlənmək istəyirdi.

Onassis başa düşürdü ki, o, pulu ilə hər şey ala bilər, amma ona pulla alınan qadın sevgisi lazım deyildi. Aristotel Jaklinin sevgisini istəyirdi.

Dünya şokda

Beləliklə, Onassis Jaklinə tez-tez baş çəkməyə başlayır. Hətta bəzən bir çox problemlərini də həll edirdi.

Jaklin Kennedinin ölümündən sonra yeni hücumlardan və övladlarının həyatına yarana biləcək təhlükədən qorxurdu. Jaklin qüvvətli bir müdafiəçi istəyirdi. Və belə bir müdafiəni onun üçün Aristotel Onassis qura bilərdi.

Amma Kennedilər ailəsi bunu eşidəndə bərk əsəbiləşdilər. Prezidentlik marafonuna hazırlaşan Bobbi Kennedi məsələni belə qoydu: “Nə qədər ki, mən sağam, sən Onassisə ərə getməyəcəksən”.

5 iyul 1968-ci ildə prezidentlik marafonuna hazırlaşan Bobbi qətlə yetirilir.

Jaklin bu “qan gölündə” boğulurdu. Və o, Aristoteldən xahiş edir ki, onu bu dəhşətli ölkədən aparsın.

10 oktyabr 1968-ci ildə Aristotel Onassis Jaklinin barmağına 1,2 milyon dollar dəyəri olan nişan üzüyü taxır. Həmin vaxt Jaklinin 39, Aristotelin isə 62 yaşı vardı.
Oktyabrın 20-də onlar rəsmən nikaha girirlər.

Hamı bu nikaha qarşı çıxırdı. Kennedilər, Onassisin oğlu, qızı və bütün Amerika.

Nə qədər qəribə də olsa, bütün ətrafdakıların iradəsinin əleyhinə gedən bu sevgi alovu bir neçə həftədən sonra sönməyə başladı.

Bu evlilik formallıqdan başqa bir şey olmadı. Jaklin Onassisin pullarını hara gəldi xərcləyirdi. Aristotel isə əvvəlki arvadı Mari Kallasın yanına qayıtdı.

Pul və hakimiyyət

Çox keçmədi ki, Aristotel Onassis dərk elədi ki, Jaklin ilə nikah sonda onu qəpiksiz qoya bilər.
Onassis müstəqil detektivlə müqavilə bağladı və Jaklinin hər addımını izləməyə başladı. Onassis hesab edirdi ki, Jaklinə qarşı kompromat toplayıb tezliklə boşana bilər.

Amma Aristotelin planlarını oğlu Aleksandrın qəfil ölümü alt-üst elədi. Bundan sonra onun həyat enerjisi tükənməyə başladı. Və onun üçün heç nəyin əhəmiyyəti qalmadı.

15 mart 1975-ci ildə Aristotel Onassis vəfat elədi. Onun adı uğurlu biznes, var-dövlət, şan-şöhrət simvoluna çevrilmişdi. O, son günlərini Paris ətrafındakı xəstəxanada keçirdi. Yanında isə Jaklinin bacısı və bir də qızı vardı.
Jaklinin vəkili dəfndən dərhal sonra Onassisin var-dövlətində payları barədə iddia ilə çıxış elədi. Onassis Jaklin üçün az bir məbləğ vəsiyyət eləmişdi. Amma Kristina Onassis Jaklinə 26 milyon verdi ki, o, Onassis ailəsi ilə ayrılığını rəsmiləşdirsin.

Təhlükəli qadın

Beləliklə, Jaklin özü və övladlarının gələcəyini təmin etmiş oldu.

Jaklin həmişə maraqla izlənən qadın olaraq qaldı. Amerika onu sevməsə də, Onassis öləndən sonra da ona maraq həmişə vardı.

Aristotelin ölümündən sonra Jaklin redaktor işləməyə başlayır. Amma hamının gözlədiyini bilsə də, bu sirli xanım memuarlarını yazmadı.
1994-cü ildə Jaklin Kennedi xərçəngdən vəfat etdi.
Çoxları onu Kennedi və Onassis klanı arasında bölünə bilməyən “alma” hesab edirdi.

Con Kennedinin kişik qardaşı Teddi Kennedinin 2009-cu ildə öləndən sonra çox maraqlı bir əl yazısı üzə çıxdı. O, Jaklinə vurulduğunu və buna görə çox qorxduğunu yazmışdı: “Mən qorxurdum ki, bu sevgi mənə həyatım bahasına başa gələ bilər”.