Ötən gecə Qəzzaya qurudan girən İsrail rejiminin hərbçilərinə qarşı Fələstin xalqının və hərbçilərinin müqavimət davam etməkdədir. Döyüşlər sübh azanı oxunan zaman da ən kəskin şəkildə davam edib.
İsrail rejiminin son olaraq Xan Yunusa təşkil etdiyi hücum zamanı 5 fələstinli xəsarət alıb. Lakin, hücum HƏMAS müqavimətçiləri tərəfindən dəf edilib.
Fələstinin Qəssam briqadası və Qüds ordusu ortaq əməliyyat keçirərək Aşkelona 7 qrad raketi zərbəsi endirib. Eyni zamanda Qəssam briqadası İsrail rejiminin Zikkim hərbi bazasına 6 ədəd “107” raketi atıb. HƏMAS Aşdoda 7 raket, Qəssam isə Aşdoda 10 qrad atıb. Sionist mediasının məlumatına görə, artıq Aşdod və Aşkelonda həyacan siqnalları çalınmağa başlanıb. İnsanlar yeraltı məntəqələrə yerləşdirilib. Ümumilikdə İsrail rejiminə 50 raket atılıb.
Habelə Qəzzanın müqavimət gücləri Qəzza Hava Limanına yaxınlaşan iki zirehli texnikanı da raketlə vuraraq məhv edib. Xan Yunusda isə müqavimət qüvvələri sionist hərbçiləri ilə döyüşür.
Məlumatlara görə, İsrail rejiminin ordusunun böyük çalışmalarına baxmayaraq onlar Qəzzanın heç bir məntəqəsinə daxil ola bilməyib. Qəzzaya 3 bölgədən girməyə çalışan sionist rejim hərbçiləri geri oturdulub. İsrail mətbuatı Qəzzanın girişinə ən müasir minaların yerləşdirildiyini yazıb. Buna görə də, Beyt Lahiyədə yaşayış əraziləri bombalanır. Sionist mətbuatının məlumatına əməliyyatlarda 1 sionist hərbçisi məhv edilib, 5-i yaralanıb.
Son açıqlamalara görə, şəhid olanların sayı 261 nəfərə çatıb. Yaralıların sayı 2000-dən çoxdur. Səhərə qədər Fələstin 17 şəhid verib. İsrail rejimi yaralıları aparmaq üçün gələn bir ambulansı da vurub.

Deyerler.org



***
2014-07-18 13:35

Deyerler.Org: Fələstin Səhiyyə Nazirliyinin sözçüsü Əşrəf əl-Kudra bildirib ki, İsrail rejiminin 12 gündür Qəzzanın müxtəlif bölgələrinə qarşı davam etdirdiyi hücumlarda həyatını itirənlərin sayı 260-a çatıb, yaralananların sayı isə 2000-i ötüb, - AA.

Kudra qeyd edib ki, təcilli tibbi yardım dəstələri İsrail rejiminin gecə bombaladığı Rifah və Xan Yunis şəhərlərindəki dağıntıdan 10 cəsəd çıxarıb.

Hazırda Qəzzanın müxtəlif bölgələrində sionist İsrail rejiminin hərbçilərinə qarşı müqavimət davam edir. İsrail rejiminin böyük itkilər verdiyi qeyd olunur.

Deyerler.Org





İsrail rejimi qurudan Qəzzaya girdi: Sonistlər məğlubiyyət acısını körpələrin qətliamından çıxır: 246 şəhid (Son dəqiqə)


İsrail rejiminin Qəzzaya qarşı həyata keçirdiyi quru əməliyyatlarının əsas qurbanları yenə də dinc insanlardır. Bu gecənin ən azyaşlı qurbanı isə 5 aylıq Faris Cuma əl-Mahmumdur. Onun cəsədi 8 yaralı ailə üzvü ilə birlikdə Qəzzanın Əbu Yusuf ən-Nəcər xəstəxanasına gətirilib.

Bunun ardınca İsrail rejiminin tanklarının Qəzzada bir xəstəxananı vurması nəticəsində iki saatdır dünyaya gələn bir körpənin də həyatını itirdiyi bildirilir.

Ümumilikdə şəhid olan 9 fələstinlinin 4-ünün uşaq olduğu təsdiqlənib.

HƏMAS hərbçilərinin müqaviməti isə ən kəskin şəkildə davam edir. HƏMAS raketlərinin bu saatlarda Aşkelon, Netivot və Sdota atıldığı bildirilir. Aşdoda isə 3 raket atılıb. İsrail rejiminin komandirlərindən biri açıqlama verərək deyib ki, onlar HƏMAS-ın quru əməliyyatlarına tam hazır olduqlarından əmindirlər. Sionist ordu komandiri anti-tank raketləri, snayper və bununla yanaşı yeraltı hücumlardan çəkindiklərini bəyan edib.

Ən son məlumata görə, Qəssam qüvvələri Beyt-Lahiydə bir sionist tankını məhv edib. Ümumilikdə isə sionistlər istiqamətində 5 raket atılıb, rejim qüvvələri geri çəkilmək məcburiyyətində qalıb.







Deyerler.org

***

Bu dəqiqələrdə Qəzzaya qurudan daxil olan sionist hərbçiləri ilə HƏMAS hərbçiləri arasında döyüşlər davam etməkdədir. Artıq Qəzza və Rəfahda şəhid olanların sayının 246, yaralıların isə 1860 nəfərə çatdığı bildirilir. Bu gecə Qəzzanın ümumilikdə 9 şəhid verdiyi bildirilir. Xəstəxanalarda yaralılar üçün artıq qan dükənib.

Bu arada Qərbi Şəriyədə də fələstinli gənclərlə sionist hərbçiləri arasında qarşıdurmalar başlayıb. “Əl-Manar” saytının məlumatına görə, Xan Yunusda sionist hərbçilərinin iki hücumu dəf edilib. Qəssam isə, Rəfahın qərbində sionist əsgərlərini 4 ədəd raketlə vurub.


İslami Cihad hərəkatının sözcüsü Ziyad Nehal bildirib ki, onlar bütün imkanları isə sionistlərə qarşı döyüşəcəklər. O, Türkiyə və İranın da onlara dəstək verdiyini bəyan edib.

“Əl-Cəzirə”nin son məlumatına görə, Fələstin Rəfah və Beyt Layihada 3 şəhid verib. Sionistlərin qırıcıları Xan Yunusu, donanması isə Sudaniya şəhərini bombalayır.

Bu arada Misir hökuməti də İsrail rejimini quru əməliyyatlarına görə sərt tənqid edib.

Deyerler.org



***

Bu dəqiqələrdə HƏMAS hərbçiləri Xan Yunusun şimalına və Qəzzanın cənubuna doğru irəliləmək istəyən sionist hərbçilərini geri çəkilməyə vadar edib. İsrail rejiminin Rəfaha top atəşi nəticəsində isə bir fələstinli şəhid olub, 6 nəfər yaralanıb. İsrail rejimi tankları Rəfaha yaxınlaşmaq istəyən təcili yardım ambulanslarını da bombalayır.

Əl-Qəssam briqadası isə Aşkelona 3 qrad mərmsi atıb. 3 sionistin xəsarət aldığı bildirilir.

Deyerler.org

***

İsrail rejiminin tankarl bir neçə saat öncə Qəzzaya qarşı qurudan əməliyyatlara başlayıb. Deyerler.org-un “Anadolu”ya istinadən verdiyi xəbərə görə, bu barədə İsrail rejiminin qondarma baş nazirliyinin sözcüsü Ofir Gendelman bildirib.

Onun sözlərinə görə, sionist baş naziri Binyamin Netanyaho İsrail rejimi ordusuna Qəzzadakı tunelləri vurmaq üçün quru əməliyyatlarına başlamaq əmri verib.

Şahidlərin sözlərinə görə, sionist tankları və hərbçiləri Beyt Layha əyalətindən Qəzzaya daxil olub. Qəzzaya atılan ilk top mərmilərinin nəticəsində isə elektrik stansiyasının vurulduğu və bölgənin böyük bir hissəsində elektrik enerjisinin dayandığı bildirilir.

Qəzzaya daxil olan tanklara havada sionist qırıcılarının dəstək verdiyi və fələstinlilərin evlərinə bombaların yağdırılmasının davam etdiyi də qeyd olunur.

Hazırda Qəzzanın Beyt Layha, Beyt Hanna, Xan Yunis, Saciyyə, Al-Atta rayonlarında, habelə Rəfah şəhərində dinc insanların evlərinin havadan, qurudan və dənizdən bombardman edildiyi bildirilir. Bombardman nəticəsində artıq 2 fələstinli həyatını itirib. İsrail rejiminin hərbçiləri ilə HƏMAS hərbçiləri arasında da döyüşlər gedir.

Bu arada Fələstinin HƏMAS hökumətinin sözcüsü Fəhmi Bərhum İsrail rejiminin quru əməliyyatlarına başlaması ilə bağlı bəyanatla çıxış edib. O bildirib ki, İsrail rejimi Qəzzadan böyük itkilərlə çıxacaq. “Sionist işğalçı Qəzzaya qarşı quru əməliyyatlarının əvəzini ağır ödəyəcək. Burada onlar üçün məhvedici cavab hazırlanıb”. HƏMAS sözcüsü həmçinin bildirib ki, onlar İsrail rejimini ümmət qarşısında diz çökdürəcəklər.

Türkiyə də İsrail rejimini quru əməliyyatlarına başladığına görə sərt tənqid edib. Baş nazir Ərdoğanın sözcüsü Hüseyn Çelik, habelə Türkiyə XİN bu əməliyyatları sivil dünyanın "üz qarası" adlandırıb.

İran parlamentinin spikeri Əli Laricani HƏMAS rəhbəri Xalid Məşələ zəng edərək İsrail rejiminin quru əməliyyatlarına başlamasını sərt tənqid edib. O, İranın Fələstin müqavimətinin yanında olduğunu bəyan edib.

Qeyd edək ki, sionist İsrail rejiminin Qəzzaya qarşı həyata keçirdiyi əməliyyatlar nəticəsində artıq 240 fələstinli həyatını itirib, 1400-dən çox insan isə yaralanıb.
Xatırladaq ki, İsrail rejimi son olaraq 2008-2009-cu ildə Qəzzaya qurudan girib və iki günlük əməliyyatdan sonra böyük itkilər verərək çıxmaq, atəşkəs imzalamaq məcburiyyətində qalıb.

Deyerler.org