16 yaşlı qız bu barədə anasına dünən xəbər verib

Xırdalan şəhəri, “Quşçuluq massivi” adlanan ərazidə yaşayan 1973-cü il təvəllüdlü Fərid Səfərov (ad şərtidir-red.) 16 yaşlı qızını zorlayıb.

Məlum olub ki, 41 yaşlı kişi qızına yatarkən təcavüz edib. Qız isə bu barədə anasına yalnız dünən xəbər verib.

“Səfərov”un arvadı məsələdən xəbərdar olan kimi dərhal polisi məlumatlandırıb. Ata isə polisə verildiyini eşidən kimi qaçıb. Abşeron Rayon Polis Şöbəsindən faktı təsdiqləyiblər:

“Bu barədə qızın anasının ərizəsi var. Ərizədə bildirilib ki, qızını zorlayan şəxs həmin ərəfədə Sumqayıtda bağ evində yaşayırmış. O, gecə Xırdalandakı evinə gəlib və bu cinayəti törədib. Həmin vaxt qızı evdə tək olub.

Ərizə şöbəyə daxil olandan sonra qızına təcavüz etdiyi bildirilən şəxsin axtarışına başlanılıb. Məlum olub ki, o, həyat yoldaşının polisə müraciət etdiyini bilib və buna görə də evdən qaçıb.

Hazırda onun tapılması üçün axtarış tədbirləri görülür”.