Telefonunu bir an olsun əlindən yerə qoymayan, davamlı mesaj yazanlara mütəxəssislərdən xəbərdarlıq var. İstifadəçilərin mesajlaşərkən bədən duruşunu araşdıran ABŞ-lı mütəxəssislər, başın təxminən 60 dərəcə əyildiyi bu duruşun, onurğa üçün ciddi bir təhlükə yaratdığını bildirib.

Riskin əsas səbəbi isə, mesajlaşarkən onurğanın daşıdığı yükün çəkisinin də təxminən 27 kq artmasıdır. 15 dərəcəlik bir bucaq isə onurğanın yükünü 12 kq aşağı salır.

“Surgical Technology International” adlı tibb jurnalında dərc olunan araşdırmaya görə, orta hesabla bir cib telefonu istifadəçisi gündə 4 saatını cib telefonuna baxaraq keçirir.

Mütəxəssislər, bu vəziyyətin onurğada müalicəsi çətin olacaq əməliyyatlara yol açdığını bildirir. Bu riski azaltmaqsa olduqca sadədir. Telefonunuza baxarkən əyilmək əvəzinə vücudunuzu dik tutsanız, onurğanızda yaranacaq ciddi problemlərin qarşısını almış olacaqsınız.