Ailem.az bu dəfə zamanın aktual problemi olan qadın işgəncəsi məsələsinə toxunur. Budur, yaşadığı işgəncələrə dözməyib intiqam alan qadınların qısa həyat hekayələri:



Nevin İldırım

Türkiyənin Isparta şəhərinin Yalvaç qəsəbəsində yaşayan 26 yaşlı Nevin İldırım iki uşaq anasıdır. Dəfələrlə silah gücü ilə ona təcavüz edən və çılpaq fotolarını yaymaqla təhdid edən 35 yaşlı Nureddin Gideri ov tüfəngi ilə öldürüb və başını kəsib. Torbanın içində gətirdiyi kişinin kəlləsini kənd meydanına ataraq “arxamdan danışmayın. Namusumla oynamayın. Baxın, namusumla oynayanın kəlləsi”, — deyib.



Gülfidan Quşoğlu

Həddən çox qısqanclığın səbəb olduğu ailə cinayəti. Bir-birilərini sevib evləniblər, ancaq evliliyin 3 ayından sonra kişinin qısqanclığı artıb, arvadını döyməyə başlayıb. Bədənində siqaret belə söndürürmüş. Hər şey “Mədən ovçusu” filminə baxdıqdan sonra olub. Filmdəki aktyor yarıçılpaq olduğu üçün əri “belə şeylərə baxmaqdan çox xoşun gəlir? Mən evdə olmayanda belə şeylərə baxırsan”, — deyə əsəbləşib. Sonra arvadını soyunduraraq bayıra atıb, evin salonuna kimi sürüyərək döyməyə başlayıb. Bütün bu şiddətdən bezib elektrikli sobanın kabeli ilə ərini boğan qadın cinayəti törədərkən “sən mənim sevgimə və namusuma inanmadın”, — deyib.



Zozan S.

Ağrının Doğubəyazid mahalında bir qadın ona daim şiddət göstərən ərini bıçaq, çəkiç və ov tüfəngi ilə öldürüb.

O, getdikcə qızışan mübahisə zamanı özündən çıxan qadın ərini əvvəlcə bıçaqlayıb, sonra başına çəkiclə vurub, axırda da ov tüfəngi ilə atəş açıb.



Ayşegül E.

Hələ 16 yaşındaykən təcavüzə məruz qaldığı kişi ilə məcburən evlənən bir qadın. Onunla qaçmasaydı, anasına və qardaşına pislik edəcək deyə təhdid edirmiş.

20 ilinin heçə getdiyini deyən qadın o illərdən ona qalan ən yaxşı şeyin sadəcə 4 övladı olduğunu deyir.



Reyhanə Cabbari

Təcavüzçüsünü öldürdüyü üçün edam olunan 27 yaşlı Reyhanə Cabbari.

Anasına yazdığı son məktubunda “sən bizə öyrətmişdin ki, məktəbdə dava-dalaş, yaxud şikayət olanda əsl xanım kimi davranaq. Özümüzü necə aparmağımızın vacib olduğunu necə vurğuladığını xatırlayırsan? Sənin təcrübələrin səhv idi. O hadisə başıma gələndə öyrəndiklərimin mənə xeyri dəymədi. Məhkəmədə məni soyuqqanlı və qəddar bir cinayətkar kimi təqdim etdilər. Gözlərim yaşarmadı. Yalvarmadım. Qanunlara güvəndiyim üçün ağlamadım”, — yazıb.



Aileen Vuornos

Valideynləri o, doğulmadan əvvəl boşanır. Atası uşağa təcavüz etdiyi üçün həbs olunur və həbsxanada özünü asır. Hələ 6 aylıq ikən anası sadəcə bir məktub buraxıb çıxıb gedir. Nənə və babasının himayəsində qalır. 13 yaşında təcavüzə uğrayıb uşaq dünyaya gətirdiyi üçün qovulur. Pul üçün fahişəliyə başlayır, narkotik maddə istifadə edir və sərxoşluq edir. 20 yaşında ikən evləndiyi 70 yaşlı kişini çəliklə döydüyü üçün evliliyi bir ay davam edir.



51 yaşlı Riçard Mallori tərəfindən təcavüzə uğradığında onu öldürüb meşəyə atır. Beləliklə, ilk cinayətini törətmiş olur. 1989 -1990-cı illər arasında 5 nəfəri öldürdüyü üçün həbs olunaraq haqqında ölüm hökmü verilir. Qadın məhkəmədə “mən günahkar deyiləm. Ümid edirəm ki, sizə də təcavüz edərlər, onda məni anlayarsız. Bəlkə də ölməyim daha yaxşıdı. Çünki yenə azadlığa çıxsam, yenə cinayət edəcəm”, — deyib.





Zeynəb Bibi

Pakistanda 42 yaşlı Zeyneb Bibi əri Əhməd Abbasa 17 yaşlı qızına təcavüz etmək istədiyi üçün yuxu dərmanı verib. Sonra o, yuxuda ikən iplə boğub, daha sonra qol və ayaqlarını kəsərək qazanda qaynadıb.



F.K.

F. K evliykən 30 yaşlı Abdullah T-nin təcavüzünə məruz qalır. Abdullah hadisədən sonra onu təhdid edib dəfələrlə təcavüz edib. Olanları öyrənən F.K.-nın əri boşanmaq istəyib. F. K. ailəsini dağıdan Abdullahı görüşə çağıraraq ondan intiqamını alıb. 3 güllə vuraraq boğazından bıçaqlayıb.



Nafiye Qaçmaz

Qaziantepdə yaşayan 43 yaşlı Nafiye adlı qadın onu qaçıraraq təcavüz edən kişini öldürüb. Təhdid, cinsi istismar və oğurluq cinayətlərinə görə həbs olunan Ali Kalkan qadını dəfələrlə təhdid edərək ona 9-10 dəfə təcavüz edib. Qadını çılpaq fotolarını yayacağı ilə təhdid edən, yenidən görüşə çağıran Alini şəhərlərarası maşın dayanacağına çağırıb. Ərinin “getmə” deməsinə baxmayaraq ora gedərək Alini kürəyindən bıçaqlayıb.



Hatice Çiçek

Öldürdüyü Tahsin İpekçi tərəfindən 2007-2009-cu illər arasında dəfələrlə təcavüzə uğrayıb. Şikayət etdikdən sonra həbs olunan Tahsin 4 ay sonra azadlığa çıxaraq yenə Haticeni təhdid edirmiş. Hər şeydən bezən Hatice Tahsini evdən çıxarkən ov tüfəngi ilə vuraraq öldürüb. Ardından başına dibçək və daşla vuraraq özü polisə təslim olub. “Onu öldürmək istəməzdim. Cəzasını çəkməyi, indi bu məhkəmədə mən oturduğum yerdə onun oturmasını istəyirdim. Evlənmək istədim, ancaq o mane olub”, — deyib.