Qaradağda dəhşətli qətl hadisəsi törədilib

İyulun 4-nə keçən gecə saat 03.00 radələrində Bakı şəhərinin Qaradağ rayonunda dəhşətli qətl hadisəsi törədilib. Hüquq-mühafizə orqanlarından əldə etdiyi məlumata görə, Lökbatan qəsəbəsi, 1196-cı keçid, ev 1, mənzil 83 ünvanında orada yaşayan 1967-ci il təvəllüdlü Vəliyev Şahin Vəli oğlunun meyiti tapılıb. Dərhal hadisə yerinə hüquq-mühafizə orqanlarının əməkdaşları gəlib və ilkin müayinə zamanı Ş. Vəliyevin boğaz nahiyəsində kəsilmiş xəsarət aşkarlanıb. Məlum olub ki, o boğazının kəsilməsi nəticəsində kəskin qan itirmədən ölüb.

Hazırda hadisəni törətmiş şəxs və ya şəxslərin yaxalanaraq istintaqa cəlb edilməsi istiqamətində əməliyyat-axtarış tədbirləri aparılır.

Hadisənin baş vermə şəraiti, səbəbləri, ölən şəxsin kimliyi barədə ətraflı məlumat almaq hələlik mümkün olmayıb.

11:13:00
Bu gecə saat 02:03 radələrində Bakının Qaradağ rayonu Lökbatan qəsəbəsində 47 yaşlı kişi özünü əzabla öldürüb. Rayon Polis İdarəsinin 10-cu polis bölməsindən verilən məlumata görə, Niftəliyev küçəsi 1, mənzil 83 ünvanında yaşayan 1966-cı il təvəllüdlü Şahin Vəli oğlu Vəliyev özünü doğrayıb.

47 yaşlı kişi bir neçə yerdən damarlarını kəsib. Hadisə yerinə polis və təcili yardım çağırılıb. Lakin həkimlər gələnə qədər Şahin Vəliyev ölüb.

İlkin araşdırmalar zamanı onun evdə ailə münaqişəsi zəminində özünə qəsd etdiyi bildirilir. Faktla bağlı cinayət işi başlanıb, araşdırma aparılır.