Ermənistan ordusunun hərbi qulluqçusu, 20 yaşlı Karen Ananyan bud nahiyəsindən güllə yarası alıb.

Virtualaz.org saytı Ermənistanın aravot.am saytına istinadən xəbər verir ki, erməni ordusunda müqavilə üzrə xidmət edən K.Ananyan Azərbaycan hərbçilərinin açdığı atəş nəticəsində yaralanıb. Xəbərə görə, insident cəbhə xəttinin Tavuş rayonu istiqamətində baş verib.

Ermənistan Müdafiə Nazirliyi faktı təsdiqləyib. Nazirlikdən bildirilib ki, yaralı hərbçi hospitala çatdırılıb.