Keçən günlərdə “Ər-Riyad” Ticarət Mərkəzininn rəhbərliyindən şikayət edən sahibkarın müraciətini diqqətinizə təqdim etmişdik. DİA.AZ-a haqqının tapdandığını iddia edərək müraciət edən sahibkar bildirirdi:

“Mən Taleh Loğman oğlu İsmayılov 27 oktyabr 2007-ci ildə Az-100\132 saylı müqavilə ilə “Ər-Riyad” Ticarət Mərkəzindən dəyəri 72 min ABŞ dolları olan Bina 24, Xətt 13-də yerləşən 19 saylı 36 kvadratmetrlik mağazanı götürdüm. Hissə-hissə ödəmək şərti ilə hər ay “Ər-Riyad” TM-yə 34 min dollar pul ödəniş etdim.

Sonra müqavilə şərtimiz pozuldu. Anlaşmamıza uyğun olaraq “Ər-Riyad” Ticarət Mərkəzi ödədiyim pulları geri qaytarmalı olsa da, həmin məbləğdən – 34 min ABŞ dollarından yalnız bir hissəsini – 12 min 500 dolları qaytardı. Qalan 21 min 500 dollar məbləğ hələ də TM tərəfindən qaytarılmayıb və neçə müddətdir ki, həmin pulu geri tələb etməyimə baxmayaraq, mənə şirkətin rəhbərliyində yer alan şəxslər müxtəlif bəhanələr gətirirlər. Ən çox da kassada pulun olmadığını bəhanə edirlər ki, bu da ağ yalandır. Onlar sadəcə olaraq bu yolla sanki vaxtı uzadırlar, adamı canından bezdirirlər.

Ən ağrılı olanı isə odur ki, həmin şəxslər bu yolla hörmətli İlqar Əliyevin işgüzar imicinə+ cəmiyyət arasında olan hörmətinə də ləkə vurmuş olurlar”.

DİA.AZ olaraq məsələ ilə əlaqədar “Ər-Riyad” şirkəti ilə əlaqə saxladıq və şirkətdən iddiaçı tərəfin bildirdiklərini təkzib etmədilər. Eyni zamanda bildirdilər ki, onlarda pul olmadığına görə, borclarını ödəyə bilmirlər.

Hətta bildirdilər ki, mebel şirkətlərindən biri ilə anlaşıblar və həmin şirkət onlarda bir nemə dükanı icarəyə götürüb. Bu şirkət “Ər-Riyad”a pul ödədikdən sonra onlar da borclarını ödəyəcəklər. Şikrətdən dia.az-a həm də bildirdilər ki, “Ər-Riyad” ziyanla işlədiyindən belə borc qalmaqalları çoxdur. Və onlar bprclarını ödəməkdən də yayınmırlar. Amma şirkətdən konkret vaxt da deyilmədi.

Onu da bildirək ki, “Ər-Riyad” prezdietnin yaxın qohumu İlqar Əliyevə məxsusdur.

Mövzu diqqətimizdədir.