Təcavüz hadisəsi çox qadının başına gələ bilər. Bu cür hadisələr, sadəcə, sıradan adamların deyil, bəzi məşhur simaların da başına gəlib və onlar təcavüzə uğradıqlarını gec-tez etiraf ediblər.



Super model Ceyns Dikinson qonaq olduğu bir televiziya proqramında 1982-ci ildə Billi Kosbinin onu tələyə saldığını və təcavüz etdiyini göz yaşlarında boğula-boğula danışıb.

Uşaq vaxtı kürəkəninin cinsəl təcavüzünə uğradığını ilk dəfə 2006-cı ildə “Vanity Fair” dərgisinə danışan Teri Hetçer başına gələnləri daha sonra “Birləşmiş Millətlər”ə danışıb.

25 noyabrda Nyu-Yorkda təşkil olunan “Qadına şiddətə qarşı mücadilə günü”ndə danışan məşhur Amerika serialı olan “Ümidsiz ev qadınları”nın 49 yaşlı ulduzu Hetçer 7 yaşında başına gələnləri göz yaşları içində danışıb.

Bu cür vəziyyətlərdə səssiz qalmanın təhlükəsinə diqqət çəkən Hetçer yaşadıqlarını belə dilə gətirib:

“Bunun mənim səhvim olduğuna inanmışdım. Özümü günahlandırırdım, buna görə heç kimə heç nə danışmırdım. Sonra birdən gözlənilməz şəkildə hərəkətə keçdim və anam məni kürəkənimdən uzaqlaşdırmağa qərar verdi. Onu daha sonra heç vaxt görmədim. Ailəmdən də heç kim bir daha məndən nə olduğunu soruşmadı. Susduq”.

18 yaşına çatanda belə bu hadisəni dilə gətirə bilmədiyini – utandığını deyən məşhur ulduz hadisəni bir qəzetdə verməyi çözüm yolu gördüyünü və qəzeti oxumaq üçün ailəsinə verdiyini deyib. Kürəkəninin isə illərcə onun təcavüzünə uğrayan bir başqa uşağın yazdığı intihar məktubu sayəsində tutulub həbsxanaya atıldığı məlum olub.

Dünyaca məşhur aktyor bir vaxtlar televiziya dünyasının ən sevilən isimlərindən olan Bill Kosbi üçün şokedici bir iddia ilə də gündəmə gəlib. Kosbi ilə 19 yaşındaykən birlikdə işləyən Barbara Bovman adlı qadın Bill Kosbinin ona təcavüz etdiyini açıqlayıb…

25 ildən sonra danışan Barbara Bovman hadisədən sonra işdən qovulduğunu və heç bir yerdə iş tapmadığını, amma artıq həqiqətlərin üzə çıxmağının lazımlığını deyib…

1985-ci ildə Bill Kosbi ilə işləməyə başlayan Barbara Bovman Kosbinin iki il sonra ona təcavüz etdiyini bildirib…

“Daily Mail” qəzetinə müsahibəsində Bovman belə danışıb: “Mənə dərman verdi və təcavüz etdi. O bir canavardı, üstümə canavar kimi gəldi..Təsəllim digər insanların da məşhur, varlı və güclü kişilər tərəfindən təhdid edilməsinə baxmayaraq susmamağıdır. Əgər bir insana belə yardım edə bilsəm, məqsədimə çatmışam, demək”.

Barbara hələ 19 yaşındaykən başına gələn təcavüzü danışmaqda çətinlik çəksə də, davam edib:

“Məni yataqdan yerə atdı. Şalvarını çıxaranda kəmərinin çıxardığı səsi heç vaxt unutmayacağam”.

Yaşının çox az olduğu illərdə Bill Kosbinin qanadları altına alındığını bildirən Barbara Bovman: “Mən onu həmişə ata kimi gördüm. Ta ki bir gecə təcavüz edənə qədər. Qaldığım otel otağına gəldi. Sanki bir heyvan idi. Özünü idarə edə bilmirdi. İyrənc bir şəkildə təcavüz edib getdi”– deyə baş verənlərə detallarıyla aydınlıq gətirib.

İddialara görə, Silvester Stalone 16 il əvvəl ona təcavüz etdiyini deyən ögey bacısına 2 milyon dollar ödəməyə razılıq verib.

Bəzi qaynaqlar ögey bacı Toni Ann Filitinin bu mövzuda onu şantaj etdiyini bildiriblər. Aktyor eyni zamanda ögey bacısına tibbi ehtiyacları üçün hər ay 50 min dollar ödəməyi də qəbul edib.

Məşhur aktyorun anası qızının Stalonini şantaj etdiyini bildirib: “Toni Ann hər gün 65 dərman atırdı, o xəstədir, hər şey deyə bilər”.

Məşhur alman aktyoru Klaus Kinskinin qızı illərdir gizlədiyi həqiqəti açıqlayıb. Aktyorun böyük qızı Pola Kinski 14 il atasının təcavüzünə uğradığını bildirib.

Bu iddia Kinskinin yazdığı “Kindermud” adlı xatirələrində yer alıb. Kinski bütün uşaqlığını atasının təcavüzü üzündən qorxu ilə keçirdiyini deyib.

Pola Kinski xatirələrini yazmağa qərar verməsini camaatın atası ilə bağlı dediyi xoş sözlərdən boğulması ilə bağlayıb: “Atan əla adamdır!” kimi sözlər deyirdilər və mən buna dözə bilmirdim. Onu ölümündən sonra daha da ideallaşdırmışdılar”.

Məşhur Oskarlı aktrisa Susan Sarandon karyerasının başlanğıcında bir rejissorun təcavüzünə uğradığını deyib. Sarandon hələ yolun başındaykən yaşadığı bu təcrübənin ürəkbulandırıcı olduğunu dilə gətirib.

“Çarlinin mələkləri” serialında rol alan Minka Kelli ona təcavüz edən bir işçini işdən qovub.

2002-ci ildə məşhur maniken Deniz Akkaya “Bir iş adamı bir həftəlik “eşq qarşılığı”nda mənə 300 min dollar təklif elədi” iddiasını irəli sürüb.

Bu sözlərdən sonra həmin iş adamı “O qız qiymətini artırmaq üçün yanlış taktika seçib. İş adamı ticarəti yaxşı bilir, heç kimə dəyərindən artıq qiymət verməz” – deyib. Akkaya isə buna görə 100 min YTL-lik təzminat davası açmışdı.

Zerrin Özer 1976-cı ildə özündən nə az, nə çox, ən azı 20 yaş böyük müdirinin təcavüzünə məruz qalıb. Sənətçi bu həqiqəti 22 il gizlədikdən sonra iştirak etdiyi bir TV proqramında açıqlamışdı.

Belçikada yaşayan müğənni Hadisəyə bir neçə il əvvəl əslən amerikalı olan bir adam ilişir. Əllə təcavüzə uğrayan Hadisə məhkəməyə müraciət edib. Məhkəmə qərarıyla həmin adamın müğənniyə bir daha yaxınlaşması qadağan olunub