“Ağ ölüm” yayan 5 nəfər məsuliyyətə cəlb edildi
Şabran rayon Polis Şöbəsinin əməkdaşlarının keçirdikləri əməliyyat axtarışları nəticəsində 1985-ci il təvəllüdülü Şabran rayonu, Dəvəçi kənd sakini Xalıqov Hicran Rəcəb oğlu tutulub.
Onun üzərinə üzərində baxış zamanı 1 kibrit qutusunda ümumi çəkisisi 6.3 qram qurudulmuş marixuana aşkar olunub. İstintaqa ilkin ifadəsində o, narkotik vasitənin şəxsi istifadəsi üçün aldığını etiraf edib. Onu da qeyd edək ki, Hicran Xalıqov 2011-ci ildə narkotik vasitələrinin satışı maddəsi ilə məhkum olunub və 2013-cü ildə azadlığa çıxıb.
Aparılmış əməliyyat axtarış tədbirləri nəticəsində Hicran Xalıqova narkotik vasitəni satan şəxsin 1979-cu il təvəllüdlü Xaçmaz rayonu, Xudat şəhər sakini Ulutozerlər Nəcməddin İsmayıl oğlu olduğu müəyyənləşib. Onun üzərində baxış keçirilərkən 6 ədəd kibrit qutusunda ümumi çəkisi 29.18 qram qurudulmuş marixuana aşkarlanıb. Lənkəran polisinin rayon əraziisndə keçirdiyi növbəti reyd zamanı narkotik vasitələrin satışı ilə məşğul olmaqda şübhəli bilinən 38 yaşlı şəhər sakini Anar Ramazanov saxlanılıb.
Polis şöbəsində Anar Ramazanovun idarə etdiyi VAZ 2107 avtomaşına baxış keçirilərkən avtomaşının arxa oturacağında 5 ədəd selofan torbada külli miqdarda, 1 kq 230 qram çəkidə narkotik vasitə hesab edilən tiryək aşkar edilərək götürülüb.
Saxlanılan Anar Ramazanov barəsində rayon məhkəməsinin qərarı ilə 4 ay müddətinə həbs qəti imkan tədbiri seçilib və Cinayət Məcəlləsinin müvafiq maddələri ilə cinayət işi başlanıb. İndi Anarı tutduğu əmələ görə 5 ildən 12 ilədək həbs cəzası gözləyir. Amma bu onun ilk məhkumluğu olmayacaq. Bundan əvvəl də Anar Ramazanov xuliqanlıq əməlinə görə 5 il məhkumluq həyatı yaşayıb.
Daha bir əməliyyatı Nərimanov rayon Polis İdarəsinin əməkdaşları keçirib. Əməliyyat-axtarış tədbirləri nəticəsində Lənkəran şəhər sakini Seymur İbadov yaxalanıb. Ondan 485 qram marixuana götürülüb. Oxşar əməliyyatı Ağdaş rayon Polis Şöbəsi əməkdaşları keçirib. Əməliyyat-axtarış tədbirləri nəticəsində şəhər sakini Eldar Ağaməmmədovdan 445 qram marixuana götürülüb.
Şamaxı polisi də narkotiklərlə bağlı əməliyyat keçirib. Şəhər sakini, əvvəllər məhkum olunmuş Fərhad Bəhrəmov həbs edilib. Ondan 421,19 qram marixuana götürülüb. Baş Narkotiklərlə Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində Astara rayon sakini Turqut Quluzadədən 101,627 qram heroin götürülüb. Narkotik vasitəni ona satmış həmyerlisi, əvvəllər məhkum olunmuş Cəbrayıl Bağırov da tutulub. Ondan 16,053 qram heroin götürülüb.