1 saylı Bakı İnzibati-İqtisadi Məhkəməsinin sədrinə yenidən şans verilməyəcəyi bildiriliir

1 saylı Bakı İnzibati-İqtisadi Məhkəməsinin sədri Müseyib Hüseynovun vəzifəsindən azad olunacağı gözlənilsə də, bu, baş vermədi.

Bu barədə «Gündəm Xəbər»i məlumatlandıran məhkəmə işçilərindən biri deyib ki, 2007-ci ildən həmin məhkəmənin sədri olan Müseyib Hüseynov bir çox dövlət qurumlarının rəhbər şəxslərinin qəzəbinə gəlib. Və buna görə də ötən il arada bir aylıq fasilə olmaqla, həmin məhkəmə iki dəfə Məhkəmə –Hüquq Şurası tərəfindən yoxlamaya məruz qaldı. Və çoxları ikinci yoxlamanın nəticəsi kimi, sədrin hətta məhkəmə sistemindən xaric ediləcəyini gözləsə də, deyilənlər özünü doğrulmaddı: «Bunun əvəzində həmin məhkəmənin iki hakiminə töhmət verildi. Bir hakim haqqında isə yerinin dəyişdirilməsi haqqında təqdimat verildi. Ancaq Müseyib Hüseynov haqqında hər hansı bir qərar açıqlanmadı. Doğrudur, onun bu basqıdan necə və kimin sayəsində qurtulması haqqında da səhih məlumatlar var. Bunları dəqiqləşdirdikdən sonra qəzetinizə təqdim edəcəyəm».

Müsahibimiz deyir ki, M.Hüseynovun belə gərgin vəziyyətlə üzləşməsində hakimiyyətdə nüfuzlu bir qruplaşmanın əvəzsiz rolu olub: «Onun sədri olduğu məhkəmədə bəzi dövlət qurumlarının əleyhinə çoxsaylı qətnamələr qəbul olunub. Bundan əlavə, Müseyib Hüseynovun özünün də bir neçə səhvi karyerasına ciddi təhlükələr yaradıb. Bəzi iddialara görə, onun postuna can atan “gözəgörünməz” rəqiblərindən biri də, “daxildə” baş verən bəzi ciddi

kompromatları da müəyyən dairələrə ötürüb. Bu isə vəziyyəti bir qədər də dramatikləşdirib. Yəni bir ay fasilə ilə Məhkəmə–Hüquq Şurasının rəhbərliyi tərəfindən sözügedən məhkəmədə aparılan iki ardıcıl yoxlama da təsadüfi olmayıb. Məsələnin ən ilginc tərəfi isə o idi ki, həmin məhkəmədə yoxlamadan az əvvəl də təftiş aparılmışdı. Amma görünür, bu məhkəmə-hüquq şurasının sədri, ədliyyə naziri Fikrət Məmmədovun özünü də qane etməyib. Ona görə də bu dəfə daha dərindən yoxlamaya başladılar. Elə günlər olurdu ki, məhkəmənin adi işçilərini də belə binadan kənara buraxmırdılar. Bu isə onu göstərirdi ki, yoxlama ilə bağlı çox sərt qərar və tapşırıqlar var».

Müsahibimiz deyir ki, Müseyib Hüseynovun sədri olduğu məhkəmədə kərgüzarlıq işlərindən tutmuş, məhkəmə qətnamə və qərardadlarına qədər yoxlama aparılıb: «Yoxlamanın nəticəsi ilə bağlı yuxarıda məlumat verdim. Maraqlı burasıdır ki, bu yoxlamadaan sonra ciddi məsələlərdə Müseyib Hüseynov yüxarıların rəyini almayana qədər hakimlərə tapşırıq vermir. Yəni o, həddən artıq ehtiyatlı mövqe tutaraq, karyerasını qorumağın yolunu ancaq belə davranışda axtarır».

Sonda mənbə deyib ki, bu yoxlama bütün hallarda Müseyib Hüseynovun gələcəyinə zərbə vuracaq: “Ən yaxşı halda bu il sədr kimi səlahiyyəti başa çatacaq Müseyib Hüseynova, yenidən etimad göstərilməyəcəyi yəqindir».

Məsələ ilə bağlı Müseyib Hüseynovun münasibətini də dinləməyə hazırıq.

Cəfər