“Aqrolizinq” ASC-nin Şəki rayon “Aqroservis” filialının vəzifəli şəxslərinin qanunsuz hərəkətləri ilə bağlı Baş Brokurorluq yanında Korrupsiyaya qarşı Mübarizə Baş İdarəsində aparılmış cinayət işinin istintaqı yekunlaşmışdır.

İstintaq zamanı Cavanşir Qurbanovun 2005-2006-cı illərdə, cəmiyyətin Şəki rayon “Aqroservis” filialının müdiri vəzifəsində işləyərkən, filialın digər vəzifəli şəxsləri ilə qabaqcadan əlbir olaraq cinayət əlaqəsinə girmiş və gübrə satışından əldə olunmuş 987 min manat məbləğində pulu mənimsəmişdir. Bundan əlavə o, vəzifə səlahiyyətlərindən sui-istifadə etmə və rəsmi sənədlərə bilə-bilə yalan məlumatlar daxil etməklə, ASC-yə 360 min manat məğbləğində zərər vuraraq vəzifə saxtakarlığı törətmişdir. Habelə aldatma və etibardan sui-istifadəetmə yolu ilə də, vətəndaşa məxsus 5 min 400 manat məbləğində pulu dələduzluq yolu ilə ələ keçirməsində müəyyən şübhələr olduğundan, ona Cinayət Məcəlləsinin 178.2.2 (dələduzluq,təkrar törədildikdə), 178.2.3 (dələduzluq,şəxs tərəfindən öz qulluq mövqeyindən istifadə etməklə törədildikdə), 178.2.4 (dələduzluq,xeyli miqdarda ziyan vurmaqla törədildikdə), 179.3.2 (külli miqdarda mənimsəmə və ya israf etmə), 308.2 (ağır nəticələrə səbəb olan vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə, bundan başqa Rafim Qurbanovun 2007-2014-cü illərdə həmin filialın müdiri vəzifəsində işləyərkən, filialın digər vəzifəli şəxsləri ilə qabaqcadan əlbir olub cinayət əlaqəsinə girməsi, gübrə və kənd təsərrüfatı texnikasının satışından əldə olunmuş 5 milyon 363 min manat məbləğində pulu da mənimsəmişdir. O, həmçinin vəzifə səlahiyyətlərindən sui-istifadə etmə, rəsmi sənədlərə bilə-bilə yalan məlumatlar daxil etmə və rəsmi sənədləri məhv etməklə cəmiyyətə, 2 milyon 84 min manat məbləğində zərər vuraraq, vəzifə saxtakarlığı törətməsində şübhələr üçün əsaslar olduğundan, ona Cinayət Məcəlləsinin 179.3.2, 308.2, 313-cüvə 326.1 (rəsmi sənədləri, ştampları və ya möhürləri tamah məqsədi və ya digər şəxsi niyyətlə oğurlama, məhvetmə, zədələmə və ya gizlətmə) maddələrində, anbardar Mehman Rəcəbova isə Cinayət Məcəlləsinin 179.3.2 maddəsində nəzərdə tutulan ittiham elan edilmişdir.

İstintaq zamanı vurulmuş ziyanın qismən ödətdirilməsi təmin edilmişdir.

Cinayət işinin istintaqı tamamlanaraq baxılması üçün, aidiyyəti üzrə Şəki Ağır Cinayətlər Məhkəməsinə göndərilmişdir.