Rektor Ramiz Mehdiyevə arxalanır?

Çalışan qədər müəyyən güzəştlərə getməklə, dövləti vəzifə tutanların adlarını hallandırmaqdan yan ötmək istədik, “düzələr” , “düzələcək”, misallı nümunələrlə bu günü sabaha caladıq. Amma deyəsən bəzi məmurların, təhsil sahəsində çalışan deputat nişanlı şəxslərin adları tənqidi yazılarda hallandıqca bundan ləzzət alırlar. Hardasa islah olunmaq, səhvlərdən nəticə çıxartmaq əvəzinə əməllərinə yenilərini də əlavə edirlər. Bu istiqamət xətti təhsil sahəsində də pis bir şəkil almaqla təzahür edir. Buna təəssüflənirik. Təəssüflənirik deyirik həmdə ona görə ki, sanki baş verənlərdən Təhsil naziri Misir Mərdanovun həqiqətən xəbəri yoxdur?!
Həqiqətənmi, təhsil nazirinin, nazirliyin təsiscisi olduğu Azərbaycan Müəllimlər İnstitutunun xətti ilə həyat “keçirilənlərdən” rektor, millət vəkili Aqiyə Naxçıvanlının mütləq hakim şəxs rolunda çıxış etməsindən xəbəri yoxdur? Bunun qarşısını alacaq şəxs kimi ümidli gözlər Misir müəllim sizə dikilməyibmi? Həqiqətənmi, Azərbaycan Müəllimlər İnstitutunun Mingəçevir filialının direktoru Orucəli müəllim Zaqatala filialına yeri dəyişdirilir nazirin xəbəri yoxdur?! Həqiqətənmi, təsisçisi olduğunuz Azərbaycan Müəllimlər İnstitutuna aidiyyətiniz yoxdur?! Bəlkə prezidentin 13 iyun 2000-ci il tarixli fərmanını da yadınızdan çıxartmısız? Bu fərmanında açıqca göstərilib, yerli filialların təsisçilik hüququ Təhsil nazirliyinə məxsusdur. Ədiliyyə Nazirliyi tərəfindən qeydiyyata alınmış nizamnamənin punktlarında bu açıqca göstərilib, hüquqi statusa malik dövlət təhsil müəssisəsi kimi 349 saylı prezident sərəncamı ilə Təhsil Nazirliyinə tabe edilib, Azərbaycan Müəllimlər İnstitutunun yerli filialları. Bəlkə bu da yalandır cənab nazir? Yox! Elə isə necə ola bilir Mingəçevir filialının direktoru Zaqatalaya dəyişdirilir sizin xəbəriniz yoxdur. Yaxud da Şamaxı filialının keçmiş direktoru təcrübəli təhsil işçisi işdən çıxarılır, amma onun yerini verə bilməyəcək başqası təyin olunur. Hər şey alver predmetinə çevrilir, pis bir formada təzahür edir. Suallar olunur, Malik, İsa, Məmməd kimi təcrübəli professorları, təhsil işçilərini kimlər əvəz edir? Axı siz də çox yaxşı bilirsiniz ki, cənab nazir dövrünə görə Heydər Əliyev Azərbaycan Müəllimlər İnstitutunun yerli filiallarını yaratmaqla bölgələrdə təhsilin inkişafını nəzərdə tutmuşdu. Həm də onu nəzərdə tutmuşdu ki, filiallara rəhbərlik edən şəxslər hərtərəfli nəzərə çarpan dərəcədə savadlı, intellektual şəxslər olsun. Bu hazırda belədirmi?
Həmçinin filialların nazirlik tərəfindən elmi şuraları yaradıldı. Elmi şura bütün problemləri həll edib qərar verən ali orqan deyildimi?! Elmi şuraların mahiyyəti nədən ibarət idi?! Bu ali orqan seçkili orqanlar dekan, kafedra müdirlərini təyin etməməli idimi?! Bəli! Elə isə Azərbaycan Müəllimlər İnstitutunun rektoru Aqiyə Naxçıvanlı niyə müstəqil qərarlar qəbul edir, filiallara direktor, direktor müavinlərini təyin edir, dekan, kafedra müdirləri üçün elanlar verir, təhsilə bir baxışlı mövqe sərgiləyir. Nədir bu prosesdə onun məqsədi? Yox əksinədirsə elmi şuralar niyə yaradıldı? Sizdən soruşmazlarmı siz kimsiniz, sizin vəzifəniz harada tamamlanır, cənab nazir? Nədən Aqiyə xanımdan ehtiyat olunur? Bəlkə Ramiz Mehdiyevə arxalanir və yaxud onun adından istifadə edir, hələ də bu məsələni özunuz uçun dəqiqləşdirə bilmirsiniz? Bu səbəbdəndir ki indi də elan verib dekan kafedra müdiri təyinatını Aqiyə xanim mustəqil həyata keçirdir, “zaçotka” tələbə bileti və.s məsələləri belə nəzarətində saxlayir. Bunun bir adı, bir səbəbi olmamiş olmaz yəqin ki, cənab nazir?!
Elmi suraların isə hazırda bir qoz qabığı qədər fəaliyyəti qalmayıb. Diplomu verəndə, istənilən səxsi, istənilən filiala təyin edib, isə götürəndə Aqiyə Naxçıvanlıdır. Nəticədə rektorun nədən Ramiz Mehdiyevə arxalanması belə aydin olur.Azərbaycan Müəllimlər İnstitutu deyiləndə Aqiyə xanım-Aqiyə xanım səslənəndə Azərbaycan Müəllimlər İnstitutunun sahibinin kim oldugu müəyyənləşir.Yoxsa Aqiyə xanımın bir dövlət müəssisəsinə rəhbərlik etməsi dövlət müəssisəsini Məhdud Məsuliyyətli Cəmiyətlə qarışıq salıb üç möhurlə işləməsinə siz tərəfindən bir aydınlıq gətirilərdi. Dövlət sənəd və diplomlarını təsdiq etmək üçün ayrı,mal alıb satmaq üçün digər,təhsil nazirliyi əvəzinə MMC əks olunan “peçatlardan”istifadə olunmazdı,qaranlıq maliyə sövdələşmələrində iştirakına görə Azərbaycan Müəllimlər İnstitutunun iştirakını nəzərdə tutan, “Mxqo”MMC,”Fərid-X”MMC,”Satutun”MMC,”Neptun-İR”MMC,”Alyans-2009”,Sprint LTD”MMC v.s adinı qeyd etmədiyimiz onlarla əməliyatlara hansı məqsədlə qol qoyulduğu aydınlaşardı. Axırıncı doqquz ayda filiallara təyin olunan şəxslərdən alınan 150-200 min manatlarla vəsaitin gəzdirdiyi söz,söhbətlərə nöqtə qoyulardı.
Soruşmazlarmı Dövlət təhsil müəssəsinin MMC- lə nə əlaqəsi. Bunu soruşub, nə baş verdiyini bilməzlərmi, cənab nazir? Bu məsələnidəmi ölkə prizidenti səsləndirməli sonra hərəkətə keçilməlidir. Elə deyilmi cənab nazir ? bütün bunlardan bir daha görünurki, təhsil sistemində qanunsuzluq baş alıb gedir, hüquqa zidd hərəkətlər qanunun aliliyinə kölgə salir, şəxsi prinsiplərə üstünlük verilir.
Bu gün bölgələrdə istedadlı gənclər maddi imkansızlıq ucbatından paytaxtda oxuya bilmir, Azərbaycan Müəllimlər İnistitutunun filiallarına üstünlük verir. Deməli bu fikirlərin önəmi günbəgün artır, bu isə yeni baxışlar, yanaşmalar tələb edir. Hazırda isə bunun əksinədir, çünki savadlılar vurulur, onların yerinə təcrübəsiz , təşəbbüsü olmayan, savadsız kadrlar yerləşdirilir, buna isə göz yumulur, cənab nazir. Aqiyə Naxçıvanlı mütləq hakim şəxs rolunda çıxış edir, səhvlərə yol verir. Azərbaycan Müəllimlər İnistitutunda isə pulun gücü ilə hər şey satın alınır. Sanki, biz burjua cəmiyyətində, ədalətsiz qurluşda yaşayırıq kimi bir vəziyyətə yol açır.Nəticədə ali məqsədə xidmət edirki, təhsilin inkişafı, pedaqoji kadrların yetişdirilməsi,gələcək illərə hesablanan naliyyətlər haqqında danışmağın biraz sonra heç bir önəmi olmayacaqdır. Elə deyilmi cənab nazir, təhsil naziri Misir Mərdanov ?
Tural