APA-nın Mil-Muğan bürosunun xəbərinə görə, ölən şəxs Şirvan şəhər sakini, 1967-ci il təvəllüdlü Süleymanova Raziyə Cəfərxan qızıdır.

İlkin məlumata görə, qadın ağır yanıq xəsarətləri nəticəsində dünyasını dəyişib.

Hadisə nəticəsində xəsarət alan 11 nəfər ambulator yardım göstəriləndən sonra evə buraxılıb.

Yerli qaynaqlar isə musavat.com-a bildirir ki, yaralananların sayı 19 nəfərdir. Onların da əksəriyyəti qadınlardır.

***

Müdafiə Sənayesi Nazirliyinin Şirvanda yerləşən Telemexanika zavodunda güclü partlayış olub.

Avropa.info xəbər verir ki, bu barədə Musavat.com-a Şirvan sakinləri bildiriblər.

Mənbənin sözlərinə görə, hadisə nəticəsində ölənlər var.

Hazırda hadisə yerinə çoxsaylı ambulanslar cəlb olunub.

Ölənlərdən birinin qadın olduğu bildirilir.

***

Zavodda baş verən güclü partlayış nəticəsində 19 nəfər yaralanıb.

Bu barədə aznews.az-a açıqlamasında Səhiyyə Nazirliyinin Mətbuat Xidmətinin rəhbəri Liya Bayramova məlumat verib. O, yaralıların Şirvan Rayon Mərkəzi Xəstəxanasına aparıldığını bildirib. Ölənlər barədə hələki məlumat verilmir.

Hazırda hadisə yerində 5 həkim briqadası çalışır.