ABŞ-ın Kubadakı Quantanamo həbsxanasında hərbi vəzifəli və mülik şəxslərin kütləvi şəkildə xərçəng xəstəliyinə düçar olduqları və vəzifələrindən çıxmaq üçün müraciət etdikləri bildirilir.

Xüsusilə məhkumların sorğu-sual olunması vəzifəsini həyata keçirən bəzi hərbi müstəntiqlərə xərçəng diaqnozu qoyulub.

ABŞ Müdafiə Nazirliyinin Quantanamodakı xərçəng halları haqqında hazırladığı hesabatda xəstəliyin anlaşılmaz şəkildə çox yayıldığı və ötən 10 illik müddətdə 200-ə yaxın Quantanamo rəsmisinin xərçəng olduğu bildirilib.

Qeyd edək ki, 11 sentyabr hadisələrindən sonra çoxlu sayda müsəlmanın həbs olunaraq aparıldığı Quantanamo həbsxanası işgəncə faktları ilə gündəmə gəlmişdi.

ABŞ hakimiyyəti tərəfindən dəstəklənən işgəncəli sorğu taktikaları Mərkəzi Kəşfiyyat İdarəsinin gizli sənədlərində də yer almışdı. (avropa.info)