Fövqəladə Hallar Nazirliyindən Milli.Az-a verilən məlumata gğrə, "112" qaynar telefon xəttinə daxil olmuş məlumata əsasən, Bakı-Şamaxı maqistral avtomobil yolunun, Qobustan rayonu ərazisindən keçən hissəsində vətəndaşlara məxsus "Mercedes" və "Volkswagen" markalı minik avtomobili ilə "Ford" markalı yük avtomobilinin toqquşması nəticəsində yol-nəqliyyat qəza hadisəsi baş verib. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub.

Hadisə yerində əməliyyat şəraiti qiymətləndirilərkən məlum olmuşdur ki, "Mercedes" markalı minik avtomobilinin sürücüsü deformasiyaya uğramış avtomobildə sıxılmış vəziyyətdə qalıb. Yanğınsöndürən-xilasedicilər təhlükəsizlik qaydalarına riayət etməklə sıxılmış vəziyyətdə qalmış vətəndaşı avtomobildən çıxarmış və aidiyyəti üzrə təhvil veriblər. Əməliyyat saat 18:19-da başa çatıb.