Tərtər rayon Polis İdarəsindən ANS PRESS-ə verilən məlumata görə, "Mercedes" markalı avtomobili idarə edən Hafiz adlı şəxs idarəetmənı itirib və nəticədə qəza baş verib. Sürücü heç bir xəsarət almasa da avtomobildə olan sərnişin İslam Qambay oğlu Quliyev xəsarat alıb.

Hadisə vaxtı zərərçəkən şəxsi dərhal Bərdə rayonunun Mərkəzi Xəstəxanasına yerləşdirilib. Amma xəstə Gəncə sakini olduğu üçün, sonradan öz istəyi ilə Gəncə şəhər Mərkəzi Xəstəxanasına köçürülub.

Gəncə şəhər mərkəzi xəstəxanasından ANS PRESS-ə verilən məlumata görə, 1949-ci təvəllüdlü Quliyev İslam xəstəxanaya qapalı beyin- kəllə travması və sol bud sümüyündə açıq sınıqları ilə gətirilib. Hazırda vəziyyəti normaldır.

Faktla bağlı Tərtər rayon Polis İdarəsində araşdırmalar aparılır.