Ermənistan müdafiə nazirinin ailəsinin ətrafında qalmaqal güclənməkdədir

Bir müddət əvvəl Ermənistanın müdafiə naziri Seyran Ohanyanın həyat yoldaşı Ruzanna Xaçatryanın gizli sevgilisi ilə avto qəza keçirməsi, avto qəza nəticəsində ölüm hadisəsinin baş verməsi, lakin cinayətin ört-basdır edilməsi barədə məlumatlar yayılmışdır. Lakin bu yazılar sonradan, Seyran Ohanyanın xəbəri yayan jurnalistləri baş prokururluğa şikayət etməsi ilə dayandırıldı.

Avropa.info xəbər verir ki, Regional Sabitlik və Təhlükəsizlik Mərkəzinin araşdırma qrupupu müdafiə nazri Seyran Ohanyan və həyat yoldaşı Ruzanna Xaçatryan barədə indiyə qədər içtimailəşməyən məlumatlar əldə edib. Belə ki, müsahibələrinin birində Seyran Ohanyanın həyat yoldaşı Ruzanna Xaçatryan həyatı ilə bağlı maraqlı faktlar bildirib. Onun sözlərinə görə, Fransa onun ikinci vətəni hesab olunur. Fransanın ona sevgi və ailə bəxş etdiyini deyən Ruzanna, 48 saylı fransız təmayüllü məktəbdə təhsil aldığını, tibbi təhsilini fransız tibb elminə borclu olduğunu, həyat yoldaşı Seyran Ohanyanla 2003-cü ildə Fransa səfirliyində tanış olduğunu bildirib.

Ermənistan mətbuatında yayılan xəbərlərə görə isə, Ruzanna Xaçatryan S. Ohanyanın birinci deyil, ikinci arvadıdır. Onun birinci arvadının , yəni 1985 və 1987-ci il təvəllüdlü Artur və Qarikin anasının azərbaycanlı olması ehtimal olunur. Belə ki, S. Ohanyan 1979-1983-cü illər Bakı Ali Hərbi Ümumqoşun Məktəbində təhsil alıb. Onun Bakıda ailə həyatı qurduğu bildirilir. 1983-cü ildən 1988-ci ilə qədər Almaniyada xidmət edən Ohanyan, 1988-cil ildə Xanikəndindəki 366-ci alaya bölük komandri vəzifəsinə təyinat alıb. Lakin, Qarabağ illəri onun həyatında talehsizliklə başlayıb. Belə ki, adı bugün də mətbuatdan gizlədilən birinci həyat yoldaşı “Yehovanın şahidləri” təriqətinin “caynağına” keçib. Uzun müddət onu bu təriqətdən uzaqlaşdırmağa çalışan Ohanyan, buna nail ola bilmir. Sonradan Qarabağ faktorunun təsiri ilə də münasibətləri daha da pisləşən ailənin sonu ayrılıqla bitir.

Ruzanna Xaçatryanla tanışlıq S. Ohanyanın Dağlıq Qarabağın “müdafiə naziri” olarkən baş verib. Belə ki, 12 il əvvəl (2003) Seyran Ohanyanın dostlarından biri Ruzannanı bir gecəlik əyləncə üçün S.Ohanyanın yanına gətirib. İş elə gətirib ki, S.Ohanyan Ruzannaya vurulub. Deyilənə görə, Ruzannanı onun yanına gətirən Seyranın dostu bugünə kimi onu bağışlamayıb. Onların sevgisini o vaxt Onkoloji Elmlər Mərkəzinin baş həkimi olmuş Aleksan Aleksanyan və Qastik “mühafizə edirmiş”. O zaman Ruzanna Qarabağa gəldiyi vaxt Qastikin evində qalırdı.

Hal-hazırda Aleksanyan “əməklərinin qarşılığı” olaraq general rütbəsi ilə mükafatlandırılıb. O, hazırda İşlər idarəsinin rəhbəridir. Qastik isə Müdafiə Nazirliyinin Satınalmalar üzrə şöbəsinin rəisidir. Onun arvadı nazirliyin aparat katibinin müavinidir.

Erməni mətbuatında yayılan, Ruzannanın avto qəza törətməsi hadisəsinə gəlincə, bildirilir ki, bu hadisə 2002-ci ildə baş verib. Hadisə Gips zavodunun sahibi, iş adamı Hovik Hayrapetyanla sevgi münasibətində olan Ruzannanın (ləqəbi “Raykomlu Ruzik”) növbəti görüşlərinin birində baş verib. Həmin görüşdə Ruzanna avtomobilin sükanı arxasında sürətlə hərəkətdə olarkən Gips zavodunun qarşısında idarəetməni itirib, nəticədə ailəli və iki uşaq atası olan Hovik Hayrapetyan qəzada həlak olub. Sonradan qəzanın hansısa Anna Xaçatryan tərəfindən baş verdiyi söylənsədə hadisə şahidləri bunun əksini söyləyiblər. Hovik Hayrapetyanın atası Paylak Hayrapetyanın bildirdiyinə görə, oğlu Ruzanna ilə 2002-ci ildə Dubay Əmirliyində tanış olub, orada bir müddət sevgi məcaraları yaşayıb, sonra isə birlikdə İrəvana gəliblər.

Seyran Ohanyanla Ruzanna Xaçatryan 2003-cü ildə Dağlıq Qarabağda ailə həyatı qurublar. Onların 2003 və 2006-cı illərdə Muşeq və Laura adında iki övladı dünyaya gəlib.