Ədalət Muradov seçici olan tələbələri hakim partiyadan narazı salır; ali məktəbdə isə rüşvət şəbəkəsi korrupsiya çanağı yaradıb; tələbə transferlərinin şok qiymətləri açıqlanıb

Azərbaycan Dövlət İqtisad Universiteti rektoru seçki ərəfəsində təxribat hazırlayır. ADİU rektoru Ədalət Muradov seçici olan tələbələri Yeni Azərbaycan Partiyasından narazı salır.

Rektor hakim partiyanın təhsil siyasətinə qarşı fəaliyyətdədir. O, tələbələri seçkidə YAP-ın namizədlərinə qarşı qoymaqla diqqət çəkir. Ə.Muradov ali məktəbdə sistemləşdirdiyi rüşvət şəbəkəsi ilə tələbələri etiraza qaldırır.

Seçki ərəfəsində tələbələrin ayağa qalxması isə neqativ hadisə kimi qeydə alınacaq.

Qərb institutları və beynəlxalq təşkilatlar tərəfindən qərəzli tənqidlərlə üzləşən hökumətə daxildə korrupsiyalaşmış məmurlar da süni problemlər yaratmağa başlayıb.

Onlardan biri də Ə.Muradovdur ki, həm Təhsil Nazirliyi, həm ölkə rəhbərliyi üçün seçki təxribatı hazırladığı iddia olunur.

Belə ki, yeni tədris ili başlar-başlamaz rektor və ətrafı yeni qaydalar, semestr imtahanlarının smeta dəyərini müəyyənləşdirməyə başlayıb.

Əsasən də 1-ci kurs tələbələrinə qiymət “oxunması”na start verilib. Ə.Muradov rektor təyin olunduğu vaxtdan etibarən ona rüşvət ittihamları irəli sürülür.

Universitetin adını ləkələyən və reputasiyasını zədələyən hazırkı rektor dövlətin təhsil siyasətinə ziddi fəaliyyətdədir.

“Gündəm-xəbər”ə verilən özəl məlumata görə, Ədalət Muradovun rəhbərliyə gəldiyi ilk günlərdən artıq ADİU-da yeni qaydaların bərqərar olunduğu, həm də bu qaydaların müxtəlif səpgili korrupsiya hallarının daha da dərinləşməsinə yol açdığı bildirilir.

Belə ki, məlumatlara görə yeni rektor təyinatı ilk növbədə ADİU-ya çoxsaylı tələbə transferləri ilə əlamətdar oldu.

Hətta belə bir təəsürat yaranmışdı ki, sanki bu transferlər öz icrası üçün sadəcə Ədalət Muradovun rəhbərliyə gəlməsini gözləyirmişlər. Bundan dərhal sonra da tələbə transferlərinin yeni qiymətləri “açıqlandı”.

Mənbələr bildirirlər ki, hazırda ADİU-ya xarici universitetlərdən bir tələbənin köçürülməsi 30 min manata, Azərbaycanın digər ali məktəblərindən isə 20 min manata başa gəlir.

Mənbələr xüsusi olaraq qeyd edirlər ki, universitetdə gedən təmirə isə heç bir ehtiyac yox idi. Elə görülən işlər də daha çox tör-töküntü yaradıb, sonradan ətrafın yenidən səliqəyə salınması təəssüratı yaratmış oldu.

Nəticədə isə bu məqsədlər üçün ayrılmış külli-miqdarda dövlət vəsaitlərinin mənimsənilməsi həyata keçirildi. Daha sonra mənbələr ADİU-da tətbiq olunan yeni qaydalar barədə müəyyən açıqlamalar verirlər.

Bu xüsusda məlumatlarda bildirilir ki, Ədalət Muradov rektor təyin olunandan sonra “maddi yardım” adı altında universitetin rəhbər vəzifəli işçilərinə “paket” sistemi ilə aylıq ödənişlər həyata keçirməyə başlayıb.

ADİU-da fakültə dekanlarının ayda 2000 manat məbləğində “əmək haqqı” aldıqları qeyd olunur. Bunun müqabilində isə universitetin rəhbər işçilərinə qarşı tələbələrdən pul yığımı prosesinə qətiyyən qarışmamaq tələbi irəli sürülüb.

Belə ki, hazırda bu proses rektor tərəfindən təyin olunmuş xüsusi adamların nəzarətinə verilib. Buna görə də imtahanlara görə və digər prosedurlar üçün təyin olunmuş “qiymətlər” artıq konkret rəqəmlərdə ifadə olunurlar.

Bildirilir ki, bu gün ADİU-da dövlət imtahanları üçün 5000 manat, kəsir imtahanına görə 500 manat, tələbə köçürmələri zamanı verilən fərq imtahanına görə 800 manat məbləğində “ödənişlər” müəyyən edilib.

Digər tərəfdən isə ADİU-ya işə qəbul məsələləri də artıq ciddi korrupsiya əməlləri ilə müşayiət olunmaqdadır. Məzunlarından biri tərəfindən ADİU-ya işə qəbul olunmaq üçün müəllimlərdən birinə 4000 manat məbləğində rüşvət verildiyi iddiası irəli sürülmüşdü.

Rüşvətin alınması faktı 2014-cü ilin aprel ayında, yəni Ədalət Muradovun rektor təyin olunmasından az sonra baş verib.

Öz növbəsində pulu alan müəllim də şikayətçi ilə telefon danışıqları zamanı ona bildirib ki, bütün məbləği birbaşa rektora təhvil verib.yenə çalxalanır.

Yeni rektor təyinatı təhsil ocağının rüşvət mənbəyini silkələyib. İndi ali məktəbdə iqtisadi korrupsiya dalğası canlanıb. Bu da rektor Ədalət Muradovun sayəsində baş tutub.

“Gündəm-xəbər”in əldə etdiyi məlumata görə, rəhbərlik özünü müasir və rüşvətə qarşı mübarizə aparan qüvvə kimi təqdim edə bilməyib. Əksinə, bu ali məktəbi daha betər günə salıb.

Ədalət Muradovun İqtisad Universitetinə təyin olunmasından ötən bir il ərzində adıçəkilən təhsil ocağı kifayət qədər geriləyib. İstər maddi-texniki baza, istər təhslin keyfiyyəti, tələbələrin dərsə davamiyyəti, istərsə də rüşvətxorluq iddiaları ilə bağlı müraciətlər ötən müddət ərzində nəzərəçarpacaq dərəcədə artıb.

Mənbə bildirir ki, Ədalət Muradovun gəlişindən sonra gözləntilər daha çox idi. Təhsil kluarlarında və ictimaiyyətdə belə bir ümid vardı ki, Ədalət işini layiqincə davam etdirəcək.

Amma son bir il ərzində ADİU-da rüşvətxorluq az qala rəsmiləşib. Tələbələr semestrdən semestrə artan rüşvət məzənnəsindən boğaza yığılıblar və universitetdə baş verənlərlə bağlı ölkə rəhbərliyinə müraciət etməyi planlaşdırıblar.

Amma o da həqiqətdir ki, ADİU-də rüşvət yığılmasına hazırda prorektor Damət Bağırov və Tədris metodiki mərkəzinin direktoru Eldar Azadov rəhbərlik edir.

Onlar ADİU-nin Dərbənd filialından universitetə köçürülmə və sonrakı mərhələdə tələbələrdən hər fənn üzrə fərq imtahanı üçün 800 manat alır. Damət Bağırov və Eldar Azadov bu işdən kifayət qədər mənfəət götürür.

Dərbənd filialından ADİU-nə köçürülmə 30-35 min manata başa gəlirsə, sonradan tələbə 15-20 fərq imtahanının hər birinə 800 manat verməli olur. İl ərzində isə 60-70 tələbə Dərbənd filialından ADİU-ya köçürülür.

Bəzən olur ki, hər hansı bir idarə, müəssisə və ya təşkilatın fəaliyyətində yer almış nöqsanlardan mətbuatda ardıcıl yazılar dərc olunsa da, həmin qurumun rəhbərliyi tənqidi materiallara heç bir reaksiya vermir. Əslində bu özü də seçilmiş bir taktikadır. Guya ki, həmin məmur “böhtan və iftira” xarakterli açıqlamalara əhəmiyyət belə verməyərək, öz “fədakar” fəaliyyətinə davam edir.

Bəzən bu taktika həqiqətən də işə yarayır. Məsələn, gündəmə daha aktual bir mövzu gəlir və dünənki tənqid obyekti artıq bir qədər diqqətdən kənarda qalır. Bəzən isə hətta uzun müddətə unudulur belə.

Lakin təcrübə göstərir ki, bu və ya digər neqativ halların əks olunduğu məlumatlar dürüstdürsə, o zaman həmin hallara yol vermiş məmur gec-tez özünü ifşa edəcək. Bəlkə bu, tənqidi materialı dərc etmiş mətbu orqanınına qarşı təhdid və hədələrdə özünü büruzə verəcək, bəlkə həmin müəssisədə “casus ovu”na başlanacaq, bəlkə də hər hansı digər “profilaktik tədbir” görüləcək.

Azərbaycan Dövlət İqtisad Universitetində bu addım, rektor Ədalət Muradovun bu yaxınlarda məhdud sayda əməkdaşların iştirakı ilə keçirdiyi müşavirədə atıldı.

Maraqlıdır ki, bu xüsusda məlumatı təqdim edən mənbə, sözügedən müşavirənin keçirilməsinə və orada qarşıya qoyulan “əsas vəzifə”nin müəyyənləşdirilməsinə mətbuatda yazılanlar səbəb olub.

ADİU-da baş verən müxtəlif korrupsiya hallarından bəhs edən materiallar dərc olunmaqdadır. Lakin məhz universitetin “Ərzaq malları əmtəəşünaslığı və ekspertizası” kafedrasının 0,5 ştat vahidi dosenti və Tədris-Metodiki Mərkəzinin “Texniki və texnoloji ixtisaslar”üzrə direktor müavini Nizami Musayevin baş verənlərdə roluna dair açıqlamalar təqdim olunmuşdu.

Vurğulanmışdı ki, Nizami Musayev artıq uzun illərdən bəri bu vəzifələri tutmaqla bərabər, həm də ADİU-da həyata keçirilən rüşvət yığımlarına nəzarəti öz əlində saxlayır. Eyni zamanda da universitetin rəhbərliyində 2000-ci ildən bəri baş vermiş artıq üçüncü dəyişiklik belə, Nizami Musayevin “statusuna” heç bir təsir göstərməmişdir.

Belə ki, mənbə Nizami müəllimin hal-hazırda Ədalət Muradov üçün həyata keçirdiyi əsas funksiyaları, yəni ilk növbədə tələbələrdən pul yığımı proseduruna nəzarəti səciyyələndirir.

Mənbənin bildirdiyinə görə, Ədalət Muradovun keçirdiyi “qapalı” müşavirədə də səslənən əsas sual bu təfərrüatların mətbuata necə yol tapması ilə bağlı olmuşdu.

Bununla da ADİU-nun rəhbərliyi, universitetlərində həyata keçirilən rüşvət yığımları və digər korrupsiya halları barədə əvvəlki materiallarda təqdim olunan açıqlamaların artıq hamının bildiyi fakt olduğunu və buna görə “əndişələnmədiklərini” dolayısı ilə təsdiq etmiş oldu.

Məhz buna görə də, bundan sonra risk etmək istəməyən Ədalət Muradov keçirdiyi müşavirədə məlumatları mətbuata ötürən mənbənin müəyyən olunması üçün təcili tədbirlərin görülməsi tələbini irəli sürüb.

Maraqlıdır ki, yaranmış durumda müşahidə olunan gərginlik paralel olaraq iki müxtəlıif amil əsasında formalaşmaqdadır. Tələbələrin getdikcə artan narazılıqları və onların Şəmsəddin Hacıyevə qarşı aşkar nümayiş etdirdikləri simpatiyaları isə universitetin hazırkı rəhbərliyini əks tədbirlərə əl atmağa məcbur edib.

Açıqlamalara görə bu tədbirlər ilk növbədə öz təzahürünü yeni rektorun Şəmsəddin Hacıyevə qarşı yarı aşkar-yarı gizli apardığı antitəbliğat kampaniyasında tapmaqdadır.

Bu məqsədlə Ədalət Muradov bəzi mətbu orqanlarında Şəmsəddin Hacıyevə qarşı sifarişli yazıların dərcini də “stimullaşdırıb”.

Mətləb Balakişiyev

gundemxeber.az