Bakı-Qazax avtomagistralının Göygöl rayonu, Quşqara kəndi ərazisindən keçən hissəsində, yol-nəqliyyat hadisəsi baş verib.

Kəpəz TV (Region TV) xəbər verir ki, Şəmkirdən Gəncəyə gələn Teymur Miriyevin idarə etdiyi, "Opel" markalı avtomobil onunla eyni istiqamətdə hərəkətdə olan "QAZ 24" markalı avtomobillə toqquşub.

Nəticədə "Opel"də olan sərnişin - Goranboy rayon, Cinli Boruslu kənd sakini, 25 yaşlı Nərgiz Hüseynova, müxtəlif bədən xəsarətləri alıb.

Yaralı Gəncə Şəhər Təcili Tibbi Yardım Xəstəxanasının travmatologiya şöbəsinə yerləşdirilib, vəziyyəti kafi qiymətləndirilir.

Fakt araşdırılır.