Göygöl rayonunda yolu keçmək istəyən piyadanı maşın vurub.

Kəpəz TV (Region TV) xəbər verir ki, hadisə bu gün səhər saatlarında rayonun Hacıməlik kəndi ərazisindən keçən magistral yolda qeydə alınıb. Kənd sakini, 33 yaşlı Elçin Məmmədov yolu keçmək istəyərkən "Toyota Prado" markalı avtomobillə vurulub. Hadisəni törədən sürücü dərhal yaralını Gəncə Şəhər Təcili Tibbi Yardım Xəstəxanasına çatdırıb. Piyadaya ilkin tibbi yardım göstərilib, vəziyyəti orta-ağırdır. Faktla bağlı Göygöl Rayon Polis Şöbəsində cinayət işi açılıb, araşdırmalar davam etdirilir.