Avropa Parlamentinin prezidenti Martin Şultzla görüşməsindən sonra Türkiyənin dövlət başçısı Rəcəb Tayyib Ərdoğan qəribə vəziyyətlə rastlaşıb. APA TV-nin Türkiyə mətbuatına istinadən xəbərinə görə, hadisə görüşün baş tutduğu binanın liftində baş verib. Prezidentin cangüdənləri ilə birgə 9 nəfərin daxil olduğu liftin qapısı bağlanmayıb. Bu zaman Ərdoğan "bir nəfər düşsün", deyə göstəriş verib. Bir nəfər lifti tərk edib, amma qapılar yenə bağlanmayıb. Bundan sonra binanın personalı və cangüdənlər işə qarışıblar və qapılar bağlanıb.