Bu gün Göyçayda 10-cu dəfə təşkil olunan Nar bayramında rayonda yetişdirilən 67 sort narın hər birindən nümunələr, nardan hazırlanan məhsullar, eləcə də qeyri-adi əl işləri nümayiş etdirilib.

"Xəzər Xəbər"in məlumatına görə, bayram tədbirində nar dənələrindən hazırlanan Azərbaycan xəritəsi, üçrəngli bayraq, ay və səkkizguşəli ulduzun simvolik təsviri və digər kompozisiyalar iştirakçıların daha çox marağına səbəb olub.

Nar bayramında dövlət və hökumət nümayəndələri, Milli Məclis deputatları, xarici ölkələrin Azərbaycandakı səfirləri, beynəlxalq təşkilatların əməkdaşları, diaspor nümayəndələri, yerli və xarici iş adamları da olmaqla, ümumilikdə, 15 minə yaxın insan iştirak edib.