Prezident İlham Əliyevin dəfələrlə etdiyi xəbərdarlıqlardan və bu xəbərdarlıqlara əhəmiyyət verməyən yüksək vəzifəlilərin məlum aqibətindən sonra, bəzi məhkəmə məmurları hələ də dövlət başçısının sözlərinə məhəl qoymayıb, öz qanunsuz, rüşvətxor və fırıldaqçı əməllərinə heç nədən və heç kəsdən çəkinmədən davam edirlər. Müdafiə naziri Zakir Həsənovun qardaşı Elşən Həsənovun keçmiş həyat yoldaşı Nailə Həsənova haqlı olaraq bəyan edir ki, o, təkcə nazirin qardaşları Elşən və Telman Həsənovların yox, həm də məhkəmələrdəki qanunsuzluqlarla üzləşib. Xanım Həsənova mətbuata müraciət etməklə həm də Azərbaycan cəmiyyətinin diqqətini köməksiz qalan, haqlı olsa da haqsızlıqla üzləşən bir qadının üzləşdiyi problemə bir daha cəlb etmək niyyətindədir. O, müraciətində yazır: “Mən keçmiş ərim Elşən Həsənovla 30 il bir yerdə yaşamışıq və 2014-cü ilin yanvar ayında rəsmən boşanmışıq. 2012-ci ildə bizim keçmiş ailə sürücümüz Məhəbbət Məhərrəmov məhkəmədə mənə və ərimə qarşı iddia qaldıraraq bəyan edib ki, Elşən ona “Hyundai” markalı avtomobili satıb, 2 il sonra onu aldatmaq yolu ilə geri alıb. Məhəbbət iddiasında tələb edib ki, mən ərimlə ona 14700 manat ödəməliyik. Həmin avtomobil mənim adıma olub, ancaq baş etibarnamə ilə mənim ərim ondan tam istifadə edib və Elşən də bunu məhkəməyə ünvanladığı cavab iddiası ilə təsdiqləyib, hətta onu da qeyd edib ki, Məhəbbətlə onu uzaqdan-uzağa tanıdığı Tahir tanış edib və avtomobili Məhəbbətə satmayıb. Təqribən iki həftə sonra Elşən məni də məhkəməyə verir və mənzili bölməyi, özünə 25 min manat, vəkilinə də əlavə 1250 manat ödəməyi xahiş edir. Həmin zaman məlum olur ki, birgə nikah dövründə əldə edilən “Novxanı 1603-Z”dəki bağ evimiz məhkəmə yolu ilə keçmiş ərimin qardaşı Telman Həsənovun adına keçib, ailə biznesimiz olan “Qala” ailəvi istirahət mərkəzi ərimin böyük qardaşı Eldar Həsənovun adına keçib, və “Bağlar 1 ev 2171B” ünvanında yerləşən evimiz həmin Eldar Həsənovun kürəkəni olan Cəfər Məmmədovun adına keçib, həmçinin evimizin ünvanı “Bağlar 2170D” yə çevirilir.

“Mənim razılığım olmadan - rəsmi arvadı ilə birgə istifadədə olan mülkiyyəti necə başqa adamın adına keçirmək olar” sualı ortaya çıxanda Elşən dərhal məni “ZAQS”dakı imzamın qondarma olması ilə ittiham etdi və rəsmi nikahımızın etibarsız hesab edilməsi üçün məhkəməyə müraciət etdi. Bir sözlə, mənim həyat yoldaşı kimi ümumi mülkiyyət hüququndan məhrum edilməyimi istəyirdi. O, bunu həm də ona görə edirdi ki, birgə mülkiyyətimizlə bağlı etdiyi qanunsuzluqlara görə cinayət məsuliyyətindən yayına bilsin. Ancaq məhkəmə bu iddianı qəbul etmədi”. Nailə Həsənovanın sözlərinə görə, bununla paralel olaraq məhkəmə Məhəbbətin şikayətini qismən təmin edərək, onun tərəfindən Məhəbbətə 7400 manat ödəməyini haqda qərar çıxarıb: “Mən məcburiyyət qarşısında qalıb məhkəmədə “Toyota” avtomobilimizin və “Qala Qrup”un gəlirlərinin bərabər bölüşdürülməsini və həmin pul hesabına Məhəbbətin xeyrinə çıxarılan məhkəmə qərarını icra etmək məqsədi ilə iddia qaldırdım və nəticədə məhkəmə 2013-cü ilin noyabr ayında iddiamı qismən təmin edərək həmin “Toyota” avtomobilinə görə Elşən Həsənov tərəfindən mənə 9440 manat ödənilməsini təmin etdi. Bu prosesi Elşən 3 il, iş Sumqayıt Apelyasiya Məhkəməsinin hakimi Nazim Nəsibovun icrasına gedənə qədər uzatdı.Və bu müddət ərzində udduğum beş məhkəmə qərarının üstündən xətt çəkən və birgə nikah dövründə əldə edilən əmlaklara hüquqlarımı ləğv edən hakim Nazim Nəsibovun hakimlik usulu Azərbaycan cəmiyyəti üçün açıqlanmalıdır. Belə ki, Elşən fırıldaqçı əməllərini ört-basdır etmək üçün nikahın ləğvinə nail ola bilməyəndən sonra yeganə çıxış yolunu bütün mümkün üsullardan, həm doğru, həm də yalan məlumatlardan istifadə edərək mənim ümumi mülkiyyətimizə olan hüquqlarımı birdəfəlik ləğv etməyə çalışır. Nəhayət, məhkəmədə çox utancverici halda bəyan edir ki, guya 2003-cü ildən mənimlə birgə yaşamır, 2006-cı ildən isə Yuliana adlı bir qadınla yaşayır”. Nailə Həsənova bu iddianı da alt-üst edən kifayət qədər faktlar təqdim edir: “Məsələn, biz bir yerdə ərizə ilə müraciət edib 2005-ci ildə xarici pasport, 2008-ci ildə Şengen vizası. 2010-cu ildə yenidən xarici pasportumuzu birgə almışıq. Bundan əlavə, məhkəməyə 40-dan artıq birgə fotolar və videolar təqdim edilib. Bizim ər və arvad kimi bir ailə olduğumuzu sübut edən ən tutarlı fakt isə hələ 2014-cü ilədək birgə nikahda olmağımızdır.

Elşən Həsənov bu qədər tutarlı, təkzib olunmaz sübutlara baxmayaraq, guya 2006-cı ildən qohumları Cəfər Məmmədovun evində Yuliana adlı qadınla yaşadığını bildirməkdə davam edirdi. Ancaq araşdırma zamanı məlum olur ki, Cəfər Məmmədov Elşən Həsənov ilə yalnız 2008-ci ildə qohum olub. Bu fakt və bizim 2007-ci ildə Ukraynaya, 2008-ci ildə Çexiyaya və başqa yerlərə birgə səfərlərimiz də nəzərə alınan digər məhkəmə işində Elşənin ifadələri yalan hesab edilib. Bundan əlavə, 2008-2011-ci illərdə bizim ailəmizi yaxından tanıyan, sonradan “Hyundai” avtomobilinə görə ödəniş etməli olduğumuzu iddia edən Məhəbbət özü də ifadəsində göstərib ki, onun əsas işi Elşən Həsənovun ailə üzvlərini, yəni Nailə Həsənova və qızını evə, məktəbə və digər yerlərə aparmaq olub. Bu azmış kimi, Elşən özü isə təsdiqləyib ki, adı çəkilən avtomobil həyat yoldaşı Nailə Həsənovanın adına alınıb və ilkin ödəniş olaraq onu tərəfindən 6950 manat ödənilib. Bununla da avtomobilin birgə təsərrüfatımızda olduğunu təsdiqləyib. Birgə nikahda olduğumuzu və birgə yaşadığımızı məntiqi və hüquqi cəhətdən təsdiq edən daha bir fakt isə, 2012-ci ildə Elşən Həsənovun ilk məhkəmə işini başlayaraq “birgə yaşayış dövründə əldə etdiyimiz mülkiyyətin bölüşdürülməsi” iddiasını qaldırmasıdır”. Ardınca ağılasığmaz hadisə baş verir: “Elşən məhkəməyə uzaqdan-uzağa tanıdığı-yuxarıda adı qeyd olunan Tahiri, 2006-2010-cu illərdə məhbus həyatı yaşayan Faiqi və naməlum taksi sürücüsü Natiqi gətirir. Onlar hamısı eynilə bəyan edirlər ki, Elşən Yuliana ilə guya ki, 2006-cı ildən birgə yaşayır. Ən təəccüblüsü odur ki, Sumqayıt məhkəməsi artıq bir dəfə, 2013-cü il 4 noyabr qərarında Elşənin uzaqdan- uzağa tanıdığı Tahir və taksi sürücüsü Natiqin 2013-cü ildəki , “Elşənin son 2 ildə Yuliana ilə birgə yaşadığı” haqda etdikləri şahidliyi əsassız hesab etmişdi. Bu “şahidlərin” ifadələrindən sonra mən Sərhəd Xidmətindən arayış təqdim etdim, Bu arayışda, Qazaxıstan vətəndaşı olan Yuliana Nedosekovanın Azərbaycana ilk gəlişinin 2012-ci ildə olduğu bildirilir. Məhz həmin arayışa istinad edərək mən məhkəmədən həmin “şahidlər”in yalan ifadə verməyinə görə inzibati məsuliyyətə cəlb olunmalarını xahiş etdim. Lakin Sumqayıt Apelyasiya Məhkəməsinin hakimi Nazim Nəsibov iclası təxirə salaraq, növbəti iclasda mənim şahidlərimi qəbul etməkdən imtina edib. Bu azmış kimi, məhkəmə Elşənin uzaqdan-uzağa tanıdığı Tahirin, keçmiş məhbus Faiqin və taksi sürücüsü Natiqin ifadələrini “mənim 2006-cı ildən ərimlə birgə yaşamadığımı təsdiq edən sübut kimi” qəbul edir və mənim təqdim etdiyim heç bir sənədi, şəkiləri, videoları birgə yaşadığımızı təsdiq edən əsaslı sübut kimi qəbul etməyərək, birgə nikah

dövründə əldə edilmiş əmlaklara olan hüquqlarımı ləğv edir Mənim, “Məhkəməyə bizim ər-arvad olmağımızı sübut etmək üçün daha nə lazımdır, anlaya bilmirəm” sualına hakim belə cavab verib: “Mənim sizə yazığım gəlir, siz bu işdə haqlısınız, ancaq mənə elə adamlar elə yerdən zəng ediblər ki, onlara imtina edə bilmərəm”. Mən bilirəm ki, hakim məhz Elşənin nazir qardaşı Zakir Həsənovu nəzərdə tuturdu. Ancaq həmin hakim qətiyyən nəzərə almırdı ki, mən bir Azərbaycan qadınıyam, iki övladımla köməksiz vəziyyətdə qalmışam, şərlənmişəm, on illərlə birgə yaşadığım ərimin uydurma ittihamlarının qurbanına çevrimişəm. Ən ağrılısı isə odur ki, 30 illik nikah və birgə həyatdan sonra, iki ovladım ilə, evimdən qovularaq birgə qazandiğimiz mülkə görə hələ ödəməli olduğum pullar və digər problemlər uzaqdan-uzağa ərimin tanışı olan Tahir, yaxın keçmişdə məhbus olmuş Faiq və taksi sürücüsü Natiqin ifadəsinə əsaslananlara görə oldu. Müdafiə nazirimizin də qardaşı üçün göstərdiyi səyləri üzərinə gəlin. Sonuncu ədalət ünvanı olan və heç kəsin işinə müdaxilə edə bilmədiyi məhkəmələrdə haqlı olduğunuz və sahib olduğunuz bütün hüquqlarınız əlinizdən alınıb, mənimlə alçaqcasına rəftar edirlər. Və siz Azərbaycan qadınısız... “ Nailə Həsənova üzləşdiyi dəhşətli haqsızlığa çarə tapılması üçün artıq keçmiş həyat yoldaşının nazir qardaşı Zakir Həsənova onu qəbul etməsi üçün müraciət ünvanlayır. Xanımın ərizəsinə 2015-ci il oktyabrın 6-da nazirliyin hüquq idarəsinin rəisi Rauf Kişiyevin imzası ilə cavab göndəriliub. Orada qeyd edilir: “Ərizənizə cavab olaraq bildiriəm ki, qeyd etdiyiniz məsələ mülki mübahisə xarakterli olduğu üçün baxılması Azərbaycan Respublikası Müdafiə Nazirliyinin səlahiyyətləri xaricindədir". Görünür ki, ötən illərdə Nailə xanımla dəfərələrlə bir stol arxasında oturan Zakir Həsənovun qardaşına bir Azərbaycan qadınını başqa millətdən olan bir xanıma qurban verməməyi xahiş etməyə, hətta əmr etməyə ixtiyarı çatardı. Əfsus ki, Zakir Həsənov bu gün onun qardaşının övladlarının anası olan xanımı yox, qondarma şahidlərin ifadələri vasitəsilə həmin xanımı ev-eşiyindən didərgin salan qardaşının tərəfindədir... Axı, Azərbaycan qadını həmişə yaxşı hər şeyə layiq olub, Nailə xanım kimi bir dəstə kişinin qanunuzusluğu ilə üzləşməsinə yox!

Nailə Həsənova sonda bir daha Mehriban Əliyevaya müraciət edir: “Xahiş edirəm, məni bu amansız “kişilərin” qanunzus əməllərindən qoruyun!” P.S. Bütün yuxarıda qeyd olunan faktlar və məlumatlara baxmayaraq, noyabrın 13-də Ali Məhkəmənin hakimi Məhparə Əhmədovanın sədrliyi ilə keçirilən iclasda Nailə Həsənovanın ilkin şikayəti rədd edilib və ayın 17-də keçiriləcək növbəti iclasda, mənin həyat yoldaşı kimi birgə mülkə və digər hüquqlarımı ləğv edən öncəki məhkəmə qərarlarını qüvvədə saxlayacığını aşkar şəkildə nümayiş etdirib: “Nə qədər ki, müdafiə naziri Zakir Həsənov bu məhkəmə işlərinin artıq aktiv iştiraksıdır, bu işlərdə ədalətli qərar gözləməyin” şərhlərindən sonra, bu işin ədalətli həlli üçün Avropa Məhkəməsinə müraciət etməyimizdən başqa çarəmiz qalmır. Amma Azərbaycan dövlətinin imicinə xələl gəlmənəsi üçün mən az da olsa son anda ədalətin qalib gələcəyinə ümid edirəm. Ümid edirəm ki, prezident İlham Əliyev müdafiə naziri Zakir Həsənovu qardaşını qanunsuz əməllərdən çəkindirməyə sövq edə biləcək. Görəsən, müdafiə naziri özü Azərbaycan dövlətinin imicinə xələl gəlməsini istəyirmi?...

P.P.S. Müdafiə nazirinin qardaşının keçmiş həyat yoldaşı Ali Məhkəmə sədri Ramiz Rzayeva isə belə bir müraciət edib: “Ədaləti qoruyun, haqsızın haqlıya qarşı yalanı, gücü və cəzasızlığı ilə məhkəmələrdə qalib gəlməyinə biganə qalmayın, buna imkan verməyin!”.

Avropa Məhkəməsinə şikayət etməzdən əvvəl Azərbaycan vətəndaşı kimi bir qadının başına gətirilən müsibətləri öncə prezident İlham Əliyevin diqqətinə çatdırmaq istəyirəm. Mən bunu həm də bəzi Avropa ölkələrinin Azərbaycana qarşı qərəzli mövqeyini nəzərə alaraq edirəm. Bu fərdi bir ailə dramı deyil, bir qadına münasibətdə qanqaraldıcı haldır. Çünki bir qadın qarət edilərək küçələrə atılıb və bu zaman öyrədilmiş, bu işə dəxli olmayan adamların ifadələrindən istifadə edilib. Bir qadın təkcə keçmiş ərinə borc ödəməyə məcbur edilməyib, o həm də bütün hüquqlarından məhrum olunub. Bunu nəzərə alaraq Azərbaycan vətəndaşlarından xahiş edirəm ki, mənim haqq səsimi dövlət başçısına çatdırmaq üçün petisiyada iştirak edəsiniz. https://secure.avaaz.org/ru/petition/Prezidentu_Azerbaydzhanskoy_Respubliki_Ilhamu_Alievu_Podderzhka_zakona_i_spravedlivosti_v_dele_NGasanovoy_protiv_Zakira_/?nirqUjb

Nəzərə alın ki, bu gün Nailə Həsənovanın başına gələn qanunsuzluqlarla hər bir qadın üzləşə bilər.

Hüseyn