Rusiyanın havadan dəstəyi ilə Bayırbucaq Türkmən bölgəsinə hücuma keçən Suriya ordusu ağır məğlubiyyətə uğrayıb.

ATV.az Türkiyə mediasına istinadən xəbər verir ki, Türkmən dağının işğal edilməsi ilə bağlı xəbərlər təstiqini tapmayıb. Əks hücuma keçən türkmən hərbi birlikləri ötən gün Əsəd rejiminin ələ keçirdiyi və bölgədə strateji önəmə malik Zahiya dağını da geri alıblar.

Ən son məlumatlara görə, hazırda bölgədə hərbi əməliyyatlar daha da şiddətlənib. Dinc əhalini Türkiyə ilə sərhəddə yaxın ərazilərdəki düşərgələrə yerləşdirən türkmən kişiləri vuruşmaq üçün Türkmən dağına qayıdırlar.