Müflis olmaq astanasında olan banklar müştərilərini kütləvi şəkildə məhkəməyə verir

Hökmətdə baş verən pulun devalvasiyasından sonra banklarla müştərilərin məhkəmə çəkişməsi davam edir. Devalvasiyanın təsirindən müflis olmaq astanasında olan banklar müştərilərini məhkəməyə çəkirlər, onlara qarşı böyük məbləğlərdə pul iddiası qaldırırlar.

Bu banklar sirasında birinci yeri “Texnikabank” və Azərbaycan Beynəlxalq Bankı tutsa da, digər banklarda da müştərlərini məhkəməyə çəkmək barədə xəbərlər yer alır.

Müştərilərini məhkəməyə çəkən banklar sirasında “MuğanBank” ASC-də var. Bu bank məhkəmələrə çoxsaylı iddia ərizləri göndərərək, müştərilərini məhkəməyə verib. Bankın iddiası əsasında çoxsaylı qərarlar qəbul edilib. Bank müştərilərindən iotek krediti olunan ev, maşın və digər daşınmaz əmlakı ələ keçirmək istəyir.

Bankın belə bir iddialarından biri də Mingəçevir Şəhər Məhkəməsinə daxil olub. Bankın məhkəməyə ünvanladığı iddia ərizəsində müştərisi Zabil Nəsibov olub. Bank bu müştərisindən o qədər də böyük məbləğdə pul istəmir. İddia ərizəsində göstərlib ki, Zabil Nəsibovdan 887 mаnаt 52 qəpik “MuğanBank” ASC-nin xeyrinə qət edilsin.

İşə baxan hakimdə bankın iddiasını təmin edib. Zabil Nəsibov isə məhkəmənin qərarından narazı qalıb və apelyasiya şikayəti verib. Onun şikayətinə Şəki Apelyasiya Məhkəməsində baxılıb və təmin edilməyib.

Bundan əlavə, “Bank Respublika” ASC öz müştərisi Vüsal Bağırovu məhkəməyə verib. Binəqədi Rayon Məhkəməsinə ünvanlanan iddia ərizəsində Vüsal Bağırovun kredit borcunun ödənilməsi tələb olunub. Məhkəmə bankın iddiasını təmin edib.

Bu səbəbdən Vüsal Bağırov Bakı Apelyasiya Məhkəməsinə müraciət edib. Hakim Aygün Abdullayevanın sədrliyi ilə keçirilən prosesdə Vüsal Bağırovun apelyasiya şikayəti təmin edilməyib.

Səbail Rayon Məhkəməsində isə “Bank of Baku” ASC-nin müştərisi Natiq Rzayevə qarşı kredit borcunun tutulması tələbinə dair tələbi təmin edilib. Bu məhkəmə qərarından apelyasiya şikayəti verilsə də, Bakı Apelyasiya Məhkəməsində, hakim Aygün Abdullayevanın sədrlik etdiyi kollegiyada şikayət təmin edilməyib.

Daha bir iddia ərizəsi ilə “Turanbank” ASC Yasamal rayon Məhkəməsinə müraciət edib. Bank müştərisi Bağırov Əlimuxtar Balağa oğlunu məhkəməyə verib. Bank Əlimuxtar Bağırovdan evin boşaldılması və təhvil verilməsi tələbini qaldırıb. Yasamal Rayon Məhkəməsi bankın iddiasını təmin edib. Əlimuxtar Bağırov məhkəmənin qərarından apelyasiya şikayəti verib. Artiq onun şikayəti araşdırılması üçün Bakı Apelyasiya Məhkəməsinə daxil olub.

“Azərbaycan Beynəlxalq Bankı” ASC Bakı şəhər sakinləri Ramin Baladadaşev və Səliməxanım Baladadaşevanı Sabunçu Rayon Məhkəməsinə çəkib. Bank onlardan kredit müqaviləsi üzrə borcun tutulması və tutmanın ipoteka predmetinə yönəldilməsinı tələb edib. Məhkəmə bankın xeyrinə qərar çıxarıb.

Banka uduzan hər iki vətəndaş apelyasiya şikayəti verib. Onların şikayəti araşdırılması üçün Bakı Apelyasiya Məhkəməsinə göndərilib. Hakim Namiq Cəfərovun sədrlik etdiyi prosesdə ilkin dinləmə olub. Məhkəmə baxışı dekabrın 16-na təyin edilib.

gundemxeber.az