Binəqədidə icra başçısının başlı-başına qoyduğu vəzifə sahiblərinin, yerli sakinlərə etdikləri zülmün ardı-arası kəsilmir. Belə ki, olduqca ağır durumda yaşayan sakinlərin ciblərinə girməkdən çəkinməyən bəzi xırda məmurlar, siyasi rəhbərliyin dəfələrlə bildirdiyi iradları hələ də saya salmırlar ki, salmırlar. Bu cür xoşagəlməz addımları ilə xüsusi ad çıxaran Binəqədi rayon enerji təchizatı və satışı idarəsinin rəisi Azad Mustafayev, idarənin satış şöbəsinin rəisi Eyvaz Əmirxanov və 5-ci sahənin rəisi Valeh adlı şəxsin vasitəsilə, bildiriş belə verilmədən abonetlərin elektirik enerjisini xəbərdarlıq olunmadan dayandırırlar. Abonetlərdən pulu Valeh toplayır və sahə rəisi də ondan əlbəəl alır. Kim ki, istənilən məbləği vermir, o halda enerjisi dayandırılır. Halbuki, Valeh əraziyə gəldiyi vaxtdan cəmi iki ay keçib, artıq o, sakinlər arasında müəyyən caxnaşma da yaradıb. Görəsən sakinlər arasında münaqişə yaradan belə bir vəzifə sahibinin arxasında Azad müəllim, yoxsa Eyvaz müəllim durur.

Cəfər

gundemxeber.az