Onlara “krışalıq” edənlər kimlərdir və qanunsuzluğa söykənən fəaliyyətlərinə nə üçün qadağa qoyulmur?
Çiçəklənən yurdumuzun gözoxşayan gözəllikləri hər kəsi heyran edir. Belə bir gözəlliklərdən zövq alan hər kəs, sanki ölkə rəhbərinə minnətdar da olmalıdır. Amma, əldə olunan gözəlliklərə, nail olduğumuz yeniliklərə hələ də kölgə salmağa çalışanlar az deyillər. Bu gün respublikamızda qaz vurub qazan doldurmaqla məşğul olan bəzi işbazlarla bağlı, hələ “Gündəm Xəbər”qəzetinin ötən saylarında tənqidi açıqlamalar da dərc etmişdik. Haqqında tənqidi açıqlamalar dərc olunan işbazlar, yenə də öz çirkin əməllərindən əl çəkmirlər, deyəsən əl çəkmək fikrində də deyillər.
Məsələn, bir neçə gün bundan əvvəl redaksiyamızın əməkdaşları paytaxt Bakımızın bir neçə hotel və gecə barlarında olmuş və həmin ünvanlarda çirkin əməllərlə məşğul olanlar barədə, tənqidi açıqlamalar hazırlamağı sanki özlərinə borc da biliblər. Çünki, şəhərimizin N.Nərimanov, Nəsimi, Xətai və Səbail rayonları ərazisindəki "Qaleri", "Ris", "Həyat Klub" hotellərində, "Qladiator", "Qrotta" adları altında fəaliyyət göstərən barlarda isə, şahidi olduqları acınacaqlı mənzərələrin gənc nəslin tərbiyyəsinə nə kimi mənfi təsir göstərdiyini deyirlər. Düzdür, paytaxt Bakı ilə bərabər bölgələrdə də gənclərin əyləncə mərkəzlərinin olmasını dəstəkləyirik, amma hər şey qanun çərçivəsində olmalıdır.
Yeniyetmə qızların cinsi istismarından sui-istifadə edən bar-hotel sahibləri, sanki özlərini günahkar da saymırlar. Atdıqları addımların fərqinə varmadan, bunu adi hal kimi də qəbul edirlər. Onlar bilməlidirlər ki, bu cür yollarla pul qazanmaq haramdan da haramdır. Belə bir əxlaqsızlıq ünvanlarından birinə himayədarlıq edən Kamran adlı şəxs, hələ də başa düşürmür ki, gün gələcək o, atdığı addımlara görə də peşman olacaq.?!
Faciəli hal odur ki, “Gündəm Xəbər”ə daxil olan məlumatlara görə əxlaqsızlıq ünvanlarının fəaliyyət göstərdikləri ərazilərdə, hər cür qanunsuzluq əməllərinə cavabdehlik daşıyan hüquq-mühafizə orqanı əməkdaşları, təəssüflər olsun ki, belə bir hallara hələ də göz yummaqdadırlar. Amma, onlar bilməlidirlər ki, yeniyetmə qızların cinsi istismara məruz qalmalarına göz yummaları, gec-tez onların lazımınca cəzalandırılmalarına da səbəb olacaq.
Bakımızın gözəlliyini, təmizliyini qorumaq bir vətəndaş kimi, bizim də əsas borcumuzdur. Gəlin əxlaqımızı, milli-mənəvi dəyərlərimizi pula satmayaq! Onu hər şeydən uca tutaq! Çünki, əxlaqı, mənəviyyatı pulla qiymətləndirmək olmaz. Əgər hər hansı bir şəxsin əxlaqı, mənəviyyatı korlanıbsa, deməli o, yaşadığımız cəmiyyət üçün ən böyük təhlükədir.

Mirzə

gundemxeber.az