Kriminal aləminin səs-küylü cinayətlərindən birinə qurban gedən, ölümündə azərbaycanlı “qanuni oğru” Rövşən Lənkəranskini adı hallandırılan Yaponçiklə bağlı ilginc məlumat yayılıb.

Cebhe.info xəbər verir ki, təqaüddə olan milis əməkdaşı, uzun illər SSRİ və Rusiya DİN sistemində işləmiş Viktor Fedorov “Yaponçik”lə bağlı ilginc iddialar səsləndirib.

Əsl adı Vyaşeslav İvankov olan Yaponçikin kriminal aləmdə ən nüfuzlu zamanlarından onun barədə məlumatlı olduğunu deyən keçmiş miliş işçisi “qanuni oğru”nun xarakterik xüsusiyyətlərindən danışıb.

1987 – 1989-cu illərdə qəsdən törədilən cinayətlərlə bağlı mübarizənin kuratoru olan miliş işçisinin ən böyük xidməti Yaponçikin rəhbərlik etdiyi mütəşəkkil cinayətkar dəstənin zərərsizləşdirilməsi olub: “Bu “qanuni oğru” cəzasızlığın və sərbətliyin simvolu idi. Yaponçik kiçik yaşlarından cinayət törədirdi. Ancaq cinayətin anası olmağı Monqol ləqəbli Korkovun dəstəsinə daxil olandan sonra bacardı. 40 yaşına qədər heç bir cəzası yox idi. Bir çox çətin əməliyyatların nəticəsində Yaponçik və onun daxil oduğu dəstə yaxalandı. Viktor Dovjukun rəhbərlik etdiyi təhqiqat qrupunun da bunda xüsusi rolu oldu. Yaponçik 14 il cəzaya məhkum edildi”.

Xatırladaq ki, yaponçikin və daha sonra onun yaxın dostu olan Ded Xasanın ölümündə azərbaycanlı “qanuni oğru” Rövşən Lənkəraskinin adı hallandırılır. Məlumatlara görə, 2009-cu ildə Ded Xasanın yaxın dostu olan Yaponçik Moskva ətrafında quru beton qarışıqları istehsalı və tədarükünü nəzarətə götürməyə çalışıb. Tikinti bazarında topdansatış və pərakəndə satışa Rövşənin adamları nəzarət etdiyi üçün onunla Yaponçik arasında rəqabət başlayıb.

2009-cu ilin yayında Yaponçikin də iştirakı ilə "sxodka" keçirilib və orada Rövşən Lənkəranskiyə yaxınlığı ilə tanınan bir neçə azərbaycanlı avtoritet iştirak edib. Toplantı gərgin keçib, tərəflər razılığıa gələ bilməyib. İyunun 28-də isə İvankova sui-qəsd olub və o, xəstəxanada ölüb.