Ölkənin aparıcı mobil şirkətlərinin abunəçilərə qarşı dələduzluqları kütləviləşir; “Bakcell”in “klassik” saxtakarlığı ifşa olundu

Mobil operator şirkətlərindən şikayətlər səngimir. Ölkənin aparıcı mobil şirkətlərinin abunəçilərə qarşı etdiyi fırıldaqlar barədə məlumatlar yayılır.

“Gündəm-xəbər”ə daxil olan növbəti şikayəti təqdim edirik: “Sizə şikayətim mobil operatorlardandır. Əvvəla onu deyim ki, ölkəmizdə fəaliyyət göstərən mobil operatorların heç biri düzgün çalışmadığından tez-tez nömrəmi Mobil Nömrələrin Daşınması Xidməti vasitəsilə digər operatorlara daşıyıram.

Məlumat üçün deyim ki, Mobil Nömrə Daşınması Xidməti abunəçiyə öz nömrəsini prefiksdə daxil olmaqla saxlamaqla bir operatordan digərinə keçmək imkanı verir. Bu xidmətin tətbiq olunduğu ölkələrdə mobil operatorlar MND ilə bağlı kampaniyalar keçirilər, müştəri məmnuniyyəti artırlar. Lakin ölkəmizdə mobil operatorlar arasında güclü rəqabət olmadığından, monopiliya olduğundan bizdə heç bir operator abunəçini qane etmir. Üstəlik ölkəmizdə mobil rabitə tarifləri qonşu ölkələrlə müqayisədə azı 3-4 dəfə bahadır.

Məsələn: Gürcütanın Magticom mobil operatorunda şəbəkədaxili zəngin 1 dəqiqəsi=6 tetri(bizim pulla 2,81 qəpik), şəbəkəxarici zəngin bir dəqiqəsi 8 tetri(bizim pulla 3,75 qəpik)dir. Magticom operatorunun internet qiymətləridə Azərbaycandan qat-qat ucuzdur. Gürcüstanın Magticom operatorunda 1 GB internet paketinin qiyməti 4 laridir( bizim pulla 1 manat 92 qəpik). Üstəlik abunəçi 4GB internet paketinə cəmi 9 lari ödəyir(bizim pulla 4 manat 36 qəpik). Rusiyada da mobil rabitə tarifləri Azərbaycandan 4 dəfə ucuzdur.

Məsələn: Rusiyanın Megafon mobil operatorunda 390 rubla(bizim pulla 7 manat 80 qəpik) abunəçi ölkədaxili 400 dəqiqə danışıq, 3GB internet paketi, ölkədaxili 100 SMS, ölkədaxili 100 MMS əldə edir ki, Azərbaycan vətəndaşı bu qiymətləri 21 ildir ki, arzu edir. Türkiyədə də qiymətlər həmçinin ucuzdur.

Türkiyənin 22 milyon abunəçisi olan Vodafone mobil operatorunda abunəçi 19TL(bizim pulla 9 manat 70 qəpik) ödəməklə ölkədaxili 1000 dəqiqə danışıq, ölkədaxili 1000 SMS və 2GB internet almış olur. Gördüyünüz kimi 3 dövlətlə müqayisə aparmağım belə bizim mobil operatorların nə qədər soyğunçu olduğunu göstərir.

Bizim ölkədə tətbiq olunan tariflər dünyada yoxdur. Üstəlik sadaladığım dövlətlərin hamısında bütün dünyada çalışan nüfuzlu mobil operatorlar çalışır ki, bizdə Rabitə Nazirliyi MTS, Vodafone, Beeline kimi mobil operatorların ölkəmizə gəlməsini istəməz. Əslində heç olmasa 1 dünyaca nüfuzlu mobil operatoru ölkəyə dəvət etsələr, hər şey 100% düzələcək. Çünki dediyim halda normal rəqabət olacaq”.

İlkin Mirzəzadə adlı abunəçi iki ilə yaxındır Bakcellin Klass L tarifindədir: "Bu tarif necə deyərlər adama soyur . 5 manat aylıq 100 dəqiqə danışıq,100 sms ,100 mb internet verir. Bu yaxşı tərəfidir. İndi gəlin aylıq 5 manat vermək istəməyəndə nə olur. Bu tarifdən çıxmaq 5 manata başa gəlir. Lakin çıxmaq istədiyin zaman yeni paket aktivləşir və beləliklə 10 manat ziyana düşürsən.

Yeni paket almadıqda Bakcell sanksiya tətbiq edir. Konturun olmasına rəğmən 2 gün sonra nömrən bağlanır. Belə sual verim bəlkə müştəri 5 manat istəmir vurmaq? Hələ Bakcellin internet fırldağın demirəm, xaricdə internet tükənəndə avtomatik dayanır və kontur çıxılmır indi hünərin varsa internet paketi bitsin. Gəldik yenə Bakcellin gözəl Klass tariflərinə məsləhətim odur ki, heç bu tarifə keçməyəsiniz”.

Bundan başqa, müştərilərin istəyi nəzərə alınmadan "Mançester Yunayted” pullu xidmətinə abunə edir, balansdan pul silirlər.

Bildirilir ki, bütün proses abunəçinin xəbəri olmadan baş verir: "Bir dəfə mənə 09975 Bakcell-in qısanömrəsindən zəng gəlmişdi. Zəngə cavab verdikdə bildirdilər ki, şikayətinizlə əlaqədar zəng etmişik. Mən də cavabımda bildirdim ki, bəli, Bakcell-dən şikayətçiyəm Çünki nə düzgün xidmət göstərirsiniz, nə keyfiyyət var, nə müştəri məmuniyyəti.

Cavab da bu oldu ki, guya Bakcell bütün mobil operatorlardan sən demə üstün imiş. Yəni, şikayətimlə əlaqədar zəng edən bəy operator ancaq şirkəti təriflədi və mən elə başa düşdüm ki, boşuna şikayət etmişəm. Çünki həmin operator mənim şikayətimi sistemdə qeydə almamış, əksinə mənimlə çox kobud danışmışdı. 555-in operatorları da şirkətin özü kimi bərbad xidmət göstərir”.

Müxtəlif yollarla müştəriləri soğan qabığı kimi soyan oprator hər gün yeni kampaniya adı ilə milyonlar qazanır. Bütün bunlara baxmayaraq qarşı tərəfin də fikirlərinə yer ayırmağa hazırıq.

Rafiq Qara

gundemxeber.az