KANAL S (REGİON TV) xəbər verir ki, bu gün Şəkidə yol nəqliyyat hadisəsi baş verib. Hadisə saat 12 radələrində şəhərin Salman Mümtaz küçəsində qeydə alınıb. Balakən sakini, 1983-cü il təvəllüdlü Çobanov Kamran Zahid oğlunun idarə etdiyi 99 DB 148 dövlət nömrə nişanlı "Ford" markalı avtomobillə Şəkinin Böyük Dəhnə kənd sakini, 1980-ci il təvəllüdlü Məmmədkərimov Şahsuvar Qüdrət oğluna məxsus 10 HZ 903 dövlət nömrə nişanlı "VAZ 21 099" markalı avtomobil toqquşub. Hadisədə hər iki avtomobilə ciddi ziyan dəyib. Xoşbəxtlikdən, qəza xəsarətsiz ötüşüb. Qəzanın hansı səbəbdən baş verməsi araşdırılır.