Qazax, Ağstafa, Tovuz və Şəmkir rayonlarında vətəndaşlar
ötən ilin noyabr ayından sosial yardım üçün əllərinə bankomat
kartı alsalar da, bu günə kimi yardım üzünə həsrət qalıblar

Aparılan statistik araşdırmalar deməyə əsas verir ki, postsovet məkanından ayrılan dövlətlər içərisində yaşayış həddinə görə pis vəziyyətdə olanlardan biri də Azərbaycandır. Lakin iqtidar yönümlü analitiklər danışıqlarında vəziyyətin günbəgün yaxşılaşması, əhalinin maddi rifah halının inkişafından söz açırlar. Əlbəttə, bunu deyənlərin yerlərı isti, qarınları da toxdur. Məsələ burasıdır ki, Azərbaycan yeraltı və yerüstü sərvətlərlə zəngin bir ölkədir. Konstitusiyamızda isə həmin sərvətlərin xalqa məxsusluğu müvafiq maddədə öz əksini tapır. Bunun üçün də ölkədə varlı-kasıb, işsizlik, aşaği və ya yuxarı təbəqə söhbətləri qətiyyən olmamalıdır. Çox təəssüflər olsun ki, bu vəziyyət ölkədə ifrat dərəcədədir. Belə halda hamı günahkar axtarışındadır. Əgər əməkhaqqı kifayət qədər olsa, işsizlik problemi aradan qalxsa, yəni dünyaya bir dəfə gələn insan insan kimi yaşasa nə rüşvətxoluq, nə korrupsiya, nə də oğurluq, əyrilik olmaz. Bəli, məsələyə obyektiv yanaşılmalıdır. Adıcə, ötən həftə Dünya ölkələrinin qeyd etdiyi 8 Mart Beynəlxalq Qadınlar Bayramında bir parça çörək ucbatından xarici düzlərə düşən kişilərimiz isti qəlblərilə qadınlarını buradakı “bərk gedən” kişılər kimi təbrik edə bilmədilər. Axı, niyə belə olmalıdır?. Görəsən, bu ölkənin nəyi çatmır ki, kişilərimiz, o cümlədən gənclərimiz düzlərə düşüblər?. Sirr deyil ki, onları düzlərə salanlar 20-30 ilin nazirləri, vəzifədən ikiəlli yapışan bürokrat məmurlardır.
Korrupsiya və rüşvətxorluq dövləti iflic edən sağalmaz bir xəstəlikdir. Sözügedən sahə ılə bağlı ayrıca bir neçə maddədən ibarət gözəl qanunlarımız da qüvvədədir. Amma, bu məsələnin həlli də artıq sifarişli xarakter alıb. Demək olar ki, “işverənlər” peyda olub. Azərbaycanda korrupsionerlər, ölkəni talayanlar göz qabağında ola-ola orda-burda korrupsiya axtarılır. O cümlədən müəllim, komisarlıq işçisi, bələdiyyə sədri və s. həbs edilir. Biz bunun da əleyhinə deyilik, lakin milyonları yeyən qalıb o yanda, xırda-xuruş yeyənlər tutulur. Bəla burasıdır... Baxın, uzağı aldığı əməkhaqqı 200 manat olanlar “ Prado” və ya digər adda bahalı markalı maşınlar sürür. Elə bu korrupsiya deyil, bəs nədir?. Soruşan yoxdur ki, haradan almısan?. Belə çıxır ki, gərək onun haqqında şikayət oluna. Qəribədir...
Redaksiyamıza olunan şıkayətlərin çoxu da Əmək və Əhalinin Sosial Müdafiəsi Nazirlıyinin rayon şöbələrindəki bürokratik əngəlliklərdəndir. Müəyyən vəziyyətdə vətəndaşlar haqlıdırlar. Yadımızdadır, il təzə başlayanda nazirliyin əməkdaşlarından biri aztəmınatlı ailələrin sosial vəziyyətinin yaxşılaşdırılması üçün bu il sosial yardımlara ayrılan vəsaitin kifayət qədər artırıldığını bildirdı. Budur, Qazax, Ağstafa, Tovuz və Şəmkir rayonlarında vətəndaşlar ötən ilin noyabr ayından sosial yardım üçün əllərinə bankomat kartı alsalar da, bu günə kimi yardım üzünə həsrət qalıblar. Onlar idarənin məsul işçilərindən” nə vaxt yardım alacağıq? “- Kəlməsinə “hələ yuxarıdan təyinat gəlməyib” cavabını alırlar. Maraqlıdır, il qurtarır, kart köhnəlir, hələ təyinat yoxdur. Bax belə əcayib süründürməçiliklər millətin canını boğaza yıgır. Nəticədə, maddi vəziyyət mənəvi vəziyyətin quluna çevrilir, insan sındırılır. Burada günahkar axtarmağa dəyərmi?. Fikir verin, həmin idarədə çalışanlar artıq doymuş məhlula çevrilib. İşlədiyi az müddət ərzində hər cür təminatın sahibidirlər. Bəs nəyin hesabına?. Məgər bu korrupsiya deyilm?. Aidiyyəti orqanlar bunları görmürmü?. Ğərək şikayətmı oluna?. Yaxud...
Mitinqin, nümayişin biz də əleyhinəyik. Lakin hamıya yaxşı məlumdur ki, bu zərurətdən yaranır. Heç kim boş yerə özünü dəyənəyın qabağına atmaz, mənliyi, qüruru ola-ola kimlərinsə qabağında alçalmaz. Xüsusilə də, gənclər. Axı, bir gəncin ki, ali təhsili olsun, iş tapanmasın, evlənməyə şəraiti, cibində pulu olmasın, hər var-dövlətimiz ola-ola gənclər aclıqdan əziyyət çəksin, Siz deyin, bu gənc neyləməlidir?. Kimdir günahkar?. Qocalar postlara elə bərk yapışıblar ki, hərəkətləri ilə gəncliyimizi usandırırlar. Cəhənnəm, vətəndaşı olduğumuz dövlətdən də borc ( sələm) almaği da baş bilənlərimiz çətinləşdiriblər. “ İpoteka” krediti də varlı balaları ücündür... Onda imkansız gənclərimiz neyləsinlər?. Niyə vətəni qorumaq deyəndə, torpaq uğrunda canını qurban vermək deyəndə kasib-kusub balalrı, yağlı yemək deyəndə isə məmur balalrı yada düşür?. Niyə bir nəfər məmur balasının şəhidlik zirvəsinə yüksəlməsinə təsadüf etmirik?. Niyə?.
Bu gün millətin ac təbəqəsinin başı səhərin çörək pulunu haradan tapmağa, tox təbəqəsinin ki isə hansı kef məclislərində olacağa qarışıb.

İlham Hacalı