Media sahəsində çalışan həmkarlarımıza tövsiyyəmizi bildiririk ki, “redaksiyaya istənilən məzmunda informasiya daxil olarkən, dərc etməzdən öncə, ilk əvvəl onun araşdırılmasına çalışın. Yəqin ki, belə bir addımların atılması, sizlərə başucalığı gətirər” 2015-ci ilin sonlarında ölkə prezidenti cənab İlham Əliyevin, yüksək çinli məmurlara bir daha ünvanladığı sərt ismarıclar, daha yaddaqalan tapşırıq oldu. Dövlət başçısı bir neçə tədbirin gedişində, o cümlədən Zirə Mədəniyyət Mərkəzinin və eko-parkın açlışında Xəzər rayonunun bir qrup sakini ilə görüşündə bildirdi ki, “vəzifə borclarını lazımınca yerinə yetirməyən məmurlar ciddi şəkildə cəzalandırılacaqlar”. Prezident məmurlarla bağlı fikirlərini bu cür də açıqladı: “Dövlət məmurları vicdanla işləməlidirlər. Onların vicdanı imkan verməməlidir ki, ayrı yolla getsinlər. Amma, ictimai nəzarət də güclü olmalıdır. Xalq da siqnal verməlidir, deməlidir, məlumat da ötürməlidir ki, bax filan yerdə bu və ya digər çatışmazlıq var. Belə olan halda, heç bir problem qarşımızı kəsə bilməz”. Bundan əlavə, ölkə rəhbəri etdiyi çıxışlarında, yaşanan problemlərin aradan qaldırılmasında mətbuatın da rolunu xüsusi vurğulayaraq bildirib ki, “ölkədə sosial ədalətsizlik, məmur özbaşınalığı, digər xoşagəlməz hallar, o cümlədən korrupsiya, rüşvətxorluq, vətəndaş hüquqlarının pozulması və.s kimi hallar, hələ də yaşanmaqdadır. Əlbəttə, bütün bunları biz bilməliyik və bunlara reaksiya da verilməlidir. Əgər reaksiya verilməyəcəksə, o halda pozuntuları törədənlər, daha böyük pozuntular da törədəcəklər. Ona görə də, belə bir işlərdə mətbuatın əvəzsiz rolu var. Mən bunu səmimi şəkildə deyirəm və xahiş də edirəm ki, media təmsilçiləri fəaliyyətlərini qanunun verdiyi formada davam etdirsinlər. Qoy həm geniş ictimaiyyət, həm o pozuntuları törədən məmurlar bilsinlər ki, heç bir yanlış hərəkət cavabsız qalmayacaq”. Yuxarıda qeyd etdiklərimizi bir daha yada salaq ki, ölkə rəhbəri etdiyi çıxışlarında daim mətbuatın rolunu qabardır və lazımınca da qiymətləndirir. Yəni, o, istəyir ki, KİV nümayəndələri vicdanla, ədalətlilik prinsipini qorumaqla peşə fəaliyyətlərini davam etdirsirlər. Təəsüflər olsun ki, bu gün əksər media təmsilçiləri daxil olan məlumatları yoxlamadan, qanunun tələbinə uyğun lazımınca araşdırmalar aparmadan, informasiyaları rəhbərlik etdikləri xəbər portallarında, qəzetlərində dərc etməklə, onları bitərəfli qaydada geniş ictimaiyyətin diqqətinə çatdırırlar. Bu da onu söyləməyə əsaslar verir ki, bu yöndə fəaliyyətini davam etdirənlər ya təcrübəsizlikdən, yada ki, KİV haqqından qanundan xəbərsiz olduqları üçün, belə bir addımlarını atırlar. Odur ki, media sahəsində çalışan həmkarlarımıza tövsiyyəmizi bildiririk ki, “redaksiyaya istənilən məzmunda informasiya daxil olarkən, onu dərc etməzdən öncə, ilk əvvəl onun araşdırılmasına çalışın. Yəqin ki, belə bir addımların atılması, sizlərə başucalığı gətirər”. Sadaladıqlarımızla bağlı onu deyə bilərik ki, hələ bir neçə gün bundan əvvəl, daha dəqiq desək 27 yanvar 2016-cı il tarixdə adının çəkilməsini istəmədiyimiz mənbə tərəfindən redaksiyamıza belə bir məlumat daxil olmuşdu ki, guya Dövlət Gömrük Komitəsi katibliyi Protokol Bölməsinin rəisi, gömrük polkovniki olan Salehli Şadiyyə Arif qızı həm biznes fəaliyyəti ilə, həm də daşıdığı vəzifəsindən kənar işlərlə də məşğul olmaqdadır. Bir redaksiya olaraq adı çəkilən xanımla əlaqə saxladıqda, o, bildirdi ki, “barəmdə deyilənlər tamamilə ağ-yalandır və heç bir həqiqəti də ifadə etmir. Odur ki, mən həm sizdən xahiş edirəm, həm də israrla bildirirəm ki, sadaladıqlarınızla bağlı lazımi araşdırmalar aparın, sonra da dərc edin”. Bəli, biz bu yöndə müəyyən araşdırmalarımızı apardıq və apardığımız araşdırmalar zamanı bəlli oldu ki, redaksiyamıza çatdırılan məlumatlar olduqca qərəzli və hansısa qaragürühçü qüvvələrin mərkli planlarının tərkib hissəsidir. Bir faktı da qeyd edək ki, hələ bir neçə gün bundan əvvəl də, bəzi saytlarda adı Şəciyyə xanım, daşıdığı vəzifəsi isə Dövlət Gömrük Komitəsi sədrinin köməkçisi kimi təqdim olunan bu xanım barəsində, olduqca qərəzli məlumatlar yayılmışdı. Təəssüflər olsun ki, məlumatı yayanlar heç bir araşdırma aparmamış və onu da müəyyən edə bilməmişlər ki, ictimaiyyətə Şəciyyə adı ilə təqdim etdikləri xanımın əsl adı Salehli Şadiyyə Arif qızıdır və daşıdığı vəzifəsi sədr köməkçisi deyil, komitədə protokol bölməsinin rəisidir. Bu cür məlumatı yayanlar, yəqin ki, atdıqları addımları ilə naşı olduqlarını və nəyə qabil olduqlarını da ortaya qoymuş olurlar. Odur ki, bu yöndə fəaliyyət göstərən media təmsilçilərinə bir daha xatırladırıq ki, Şadiyyə xanım barəsində hər hansı açıqlama yayarkən diqqətli olmaq gərəkdir. Məhz, ona görə ki, o, ən azından üzərinə düşən vəzifə borcunu kifayət qədər peşəkarlıqla yerinə yetirən, gömrük polkovniki rütbəsi daşıyan və uzun illəri əhatə edən iş təcrübəsinə malik bir xanımdır.

Mirzə

gundemxeber.az