Qalmaqallı sevgi macərasının təfərrüatları ortaya çıxdı və qalmaqala da səbəb oldu
Donetsk Milli Universitetinin 17 yaşlı 1-ci kurs tələbəsi Marqaritanın 58 yaşlı müəllimi ilə sevgili olduğu məlum olub. Gənc qız universitetin kompüter texnologiyaları kafedrasının müdiri Viktor Tolstıx ilə görüşür.



“Gündəm Xəbər” bildirir ki, Donetsk Milli Universitetinin tələbəsi kafedra müdiri ilə olan sevgi romanının təfərrüatlarını Lifenews-la bölüşüb. Məlum olub ki, sevgililər fizika fənni üzrə olimpiada zamanı tanış olublar: "Biz il yarımdır ki, görüşürük. Mən fizika üzrə beynəlxalq olimpiadada iştirak edirdim. O zaman tanış olduq və həmin gündən məktublaşmağa başladıq".
Marqarita sevgilisini valideynləri ilə tanış edib. O deyir ki, valideynlərim onların seçimini təsdiqləyib: "Anam məni dəstəkləyir. Atam da seçimimə hörmətlə yanaşdı. Bir çox dostlarım və müəllimlərim də münasibətimiz haqda bilir. Burada insanlar çox mehribandır və bütün bunlara müsbət yanaşdılar".



Xatırladaq ki, 1-ci kurs tələbəsi Marqaritanın 58 yaşlı müəllimi ilə şəkilləri sosial şəbəkədə yayılıb. Bu hadisədən sonra cütlük insanların kəskin tənqidinə məruz qalıb. Şəkillər ictimailəşdikdən sonra müəllim gənc qızla evlənəcəyini açıqlayıb.

Xəbər xidməti