İslam Əməkdaşlıq Təşkilatı (İƏT) dövlət başçılarının Zirvə toplantısı öz işinə başlayıb. Musavat.com TRTHaber televiziyasına istinadən məlumat verir ki, İƏT baş katibi İyad Medeni Zirvədə açılış nitqi həyata keçirib.

Dünya müsəlmanlarının problemlərinə toxunan Mədəni Azərbaycan və Dağlıq Qarabağ mövzusunda da danışıb. Azərbaycanın ərazi bötüvlüyünü dəstəklədiklərini deyən Mədəni, erməni qəsbkarlarının hücum və aqressiyalarını da pisləyib.

“Ermənistan Azərbaycan ərazisi olan Dağlıq Qarabağdan qoşunlarını çəkmir”.

APA-nın məlumatına görə, bunu İslam Əməkdaşlıq Təşkilatının (İƏT) İstanbulda keçirilən XIII Zirvə toplantısında İƏT Baş katibi İyad Madani deyib. Baş katib bildirib ki, işğal illərdir, davam edir: “BMT Təhlükəsizlik Şurasının, digər beynəlxalq təşkilatların münaqişə ilə bağlı qərarlarına erməni tərəfi əməl etmir. Biz problemin tezliklə həll olunmasını istəyirik. İşğalçı ordu tez bir zamanda zəbt etdiyi torpaqlardan çıxmalıdır. Münaqişə Azərbaycanın ərazi bütövlüyü çərçivəsində həll olunmalıdır. Azərbaycanın suverenliyi qəbul edilməlidir”. (APA)

Zirvəni Türkiyə prezidenti Tayyib Ərdoğan aparır. Ərdoğan 13-cü İƏT Zirvə Topolantısının başqanı olaraq özü çıxışına başlayıb.

Hər kəsi salamlayan Ərdoğan deyib ki, mənim dinim nə sünmnidir, nə şiədir. Mən müsəlmanam. İsmal adına hər gün məzlumları öldürən, yağmalayan terror hörgütləri müsəlman ola bilməzlər! Onlar İslam adına hərəkət edəməz, müsləmanlara faydaklı olamaz. Biz İslam dövlətləri olaraq nə qədər bir birimizə düşəriksə, insanlarımız bir o qədər zərər çəkəcək. Hazırda qırılan, zərər görən, əziyyət çəkən hər yerdə müsəlmanlardır. Ona görə də biz yapıcı olmalıyq. Dostların sayını artırıb, düşmənlərin sayını azaltmalıyıq.

***

“İslam sülh və barış dinidir. İxtilafları deyil, bağlılıqları gücləndirməlidiyik. Çünki yaşanan toqquşmalardan zərər görən sadəcə, müsəlmanlardır, İslam ölkələridir. Dostları çoxaltmaq, düşmənləri azaltmalıyıq. Bugünki zirvənin xüsusən bütün müsəlmanların birliyi, bərabərliyi yolunda bir milad, dönüş nöqtəsi olmasını Allahdan diləyirəm”.

R. T. Ərdoğan bildirib ki, hazırda İŞİD, "Boko Haram", "əş Şahab" qruplaşmalarının İraq, Suriya, Liviya, Afrika və dünyanın digər ərazilərində törətdiyi terror aktlarından ən çox müsəlmanlar əziyyət çəkir: “Bu terror təşkilatlarının əsas zülmü müsəlmanlaradır. Dünyanın hər yerində insanlara qarşı törədilən aktları pisləşmişik”.

R. T. Ərdoğan Qərb ölkələri tərəfindən terror hadisələrinə ikili yanaşma sərgiləndiyini söyləyib: “Parisdə, Brüsseldə baş verən terrordan danışdılar. Ancaq Ankara, İstanbul, Lahorda törədilmiş terror aktlarından bəhs etmədilər. Bu terror aktlarında yüzlərlə insan öldü. Fərqi yoxdur, bir insan da ölsə, bütün insanlığın ölümüdür. Lakin Paris, Brüsseldəki terrordan danışanlar niyə İstanbul, Ankara, Lahordakı terroru demir? Bu ikili yanaşma bizi üzür. Terror təşkilatlarının hamısına qarşı eyni formada mübarizə aparmaq lazımdır. Buradan bir daha dünya ictimaiyyətini terror təşkilatlarına münasibətlərini gözdən keçirməyə çağırıram”.

Türkiyə prezidenti İƏT ölkələri arasında terrora qarşı əməkdaşlığı möhkəmləndirməyin vacibliyini də diqqətə çatdırıb: “Türkiyə bu sahədə işlərin təşkilatlandırılmasının tərəfdarıdır. Eyni formada Səudiyyə Ərəbistanının başçılığı ilə qurulan İslam İttifaqını dəstəkləyirik. İslam aləmində baş verən böhranlara başqa güclərin müdaxiləsini gözləmək əvəzinə, bu problemləri özümüz həll etməliyik. Onlar müdaxilə edəndə neft üçün müdaxilə edirlər”.(APA)

****

ƏRDOĞAN BMT TŞ-da müsəlmanlara yer istədi

Musavat.com xəbər verir ki, BMT Təhlükəsizlik Şurasının quruluşunu da ələşdirən Ərdoğan dedi ki, ədalətsizlik üzərində qurulan bir qurum dünyaya ədalət dağıta bilməz. Bu, dəyişdirilməlidir. Biz də İslam ölkələri olaraq, orada öz yerimizi haqqımızı tələb etməliyik. Ağlamayan uşağa süd verilməz. Biz də öz haqqımızı israrla tələb etməliyik. TŞ dünyadakı gerçəklikləri, yapılanmaları nəzər alaraq, yenidən qurulmalıdır.

Qadınlara da yer verək, təşkilat yaradaq

Ərdoğan dostluq və qardaşlıq çağırışlarından sözə keçmək, gəncliyə, qadınlara önəm vermək təklifini verib. Bir təklifim var - İslam İş birliyi Təşkilatının Qadın Konfransı oluşdurulsun. Müsəlmanların öz qadınlarının dərdlərini danışmaq və həll etmək üçün bir təşkilatı olsun.

Ərdoğan müsəlmanların problemləri sırasında Şimali Kipr Türk Cümhuriyyətinə dəstək verilməsi zərurətini də söylədi. "O müsəlmanlara biz dəstək verməyəcəyik, bəs kim verəcək". O, Kırım müsəlmanlarının da mağduriyyətini söylədi.

Bu qaçqınlar bizim utanc səhifəmizdir

Ərdoğan dünyanın gündəmində olan bir mövzudan da danışdı. Dedi ki, Ağ dəniz üzərindən sınıq-salxaq qayıqlarda, gəmilərdə Avropaya axan milyonlarla insanın hamısı müsəlmanlardır. Bu, bizim utanc səhifəmizdir. Əvvəllər Avropadan bizim torpaqlarımıza axın var idi. İndi bu axının tərsinə dönməsinin səbəblərini yaxşı təhlil etməmiz lazımdır.

Ərdoğan dedi ki, yalnız Ağ dənizdə Türkiyənin xilas etdiyi və sığınacaq verdiyi qaçqımların sayı 100 min nəfərdən çoxdur.

Bu bizim insani, islami və vicdani borcumcuzdur, dedi Ərdoğan.

O, təklif etdi ki, bu problemin həlli üçün burada olan müsəlman liderlərinin üzərinə böyük vəzifə düşür.

Daha sonra Zirvə iştirakçılılarına Türkiyəyə sışınan müsəlman qaçqınlarla bağlı qısa film izlətdirilib.

Bundan sonra tədbir iştirakçılarına qısa salamalama nitqi üçün söz verilib. Tədbirdə iştirak edən Azərbaycan prezidenti İlham Əliyev də açılış nitqi ilə çıxış edib.

Daha sonra kiçik fasilə verilib.

Zirvə toplantısı davam edir.

İƏT 13-cü zirvə toplantısında Azərbaycanla bağlı xüsusi bir dünləmənin olması və ortaq qərara gəlinməsi gözlənilir.

gundemxeber.az