Bakıda yol qəzası törədərək hadisə yerindən qaçan qadın sürücü saxlanılıb.

Bu barədə Milli.Az-a DİN-dən məlumat verilib.

Məlumata görə, Xəzər Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində rayon ərazisində Mehman Nəzərovun xəsarət alması ilə nəticələnən yol-nəqliyyat hadisəsini törətmiş "BMW" markalı avtomobilin sürücüsü, Bakı şəhər sakini Dürdanə Rzayeva saxlanılıb.

Faktla bağlı araşdırmalar davam etdirilir.