Ekologiya və Təbii Sərvətlər Nazirliyinin Milli Hidrometeorologiya Departamentinin xəbərinə görə, mayın 19-u günün ikinci yarısından 21-i səhərədək Bakıda və Abşeronda güclü şimal-qərb küləyi əsəcək. Havanın temperaturunun mayın 20-də 4-7 dərəcə aşağı enəcəyi gözlənilir.

Mayın 18-i axşam şimal və qərb rayonlarından başlayaraq 21-i gündüzədək havanın qeyri-sabit keçəcəyi ehtimal edilir.

Əsasən gecə və axşam şimşək çaxacağı, arabir yağış yağacağı, bəzi yerlərdə bunun leysana çevriləcəyi bildirilir. Havanın temperaturu mayın 20-də rayonlarda 5-8 dərəcə aşağı enəcək.