Cəlilabad rayon Elektrik Paylayıcı Şəbəkəsinə Aydın Məmmədov müdir təyin olunanduqdan sonra, rayonun elektrik təminatı sahəsində özbaşınalıq baş alıb getdi. “Gündəm Xəbər”ə daxil olan məlumatlara görə, bu gün Aydın Məmmədov yeni təyin etdiyi adamları ilə vətəndaşların həyətinə qanunsuz soxularaq, onların işıqlarını kəsir. Vətəndaşlar əksər hallarda borcu olmasa da, 30-40 manat, hətta 5 manat borcu olsa da, işıqlarını kəsir ki, onlarda rəhbərliyə qarşı qorxu atmosferi yarada bilsin. Aydın Məmmədov yuxarı dövlət orqanlarında elə bir fikir formalaşdırır ki, guya o dövlətin büdcəsinə pullar köçürür və özünü bu yolda “fəda etməyi” də bacarır. Amma, əsl reallıq tamam başqa bir ab-havadan xəbər verir. Aydln Məmmədov nəinki abonentləri, hətta rayonun dövlət orqanlarını da qorxutmaqla məşğuldur ki, heç kəs onun yeyintilərinə müdaxilə etməsin. Məhz bunun nəticəsidir ki, rayonun mərkəzi küçəsi Heydər Əliyev prospekti bir aya yaxındır ki gecələr işıqsızdır.
Mən “Gündəm Xəbər”ə yazmış olduğum məktubumda rayon sakinlərini narahat edən başqa bir məsələ barəsində də danışmaq istəyirəm. 07 aprel 2016-cı il tarixdə gecə saat 23.00 radələrində, Cəlilabad rayon Elektrik Paylayıcı Şəbəkəsinin müdiri Aydın Məmmədov, rayonun Albalan kənd sakini Ağayev Adış Quzuçu oğlunun evinə soxularaq, onun istifadə etdiyi elektrik enerjisini kəsmək istərkən vətəndaşın ürəyi partlayıb ölmüşdür. Aydın Məmmədovun qəfildən gecə saatlarında vətəndaşın evinə hücum etməsi, yaratdığı hay-küy, ev sakinlərinə fiziki və psixoloji təzyiq 50 yaşında olan Aydın Məmmədovun əsəb gərginliyinə gətirib səbəb olmuş, onun ürəyi partlayaraq dünyasını dəyişmişdir. Baş verən hadisələrlə bağlı Cəlilabad rayon Polis Şöbəsində cinayət işi açılsa da, nədənsə iş müəmmalı səbəblər ucbatından ört-basdır edilmişdir. Rayon sakinləri adından xahiş edirəm ki, Aydın Məmmədovun günahı ucbatından dünyasını dəyişmiş bu şəxs barəsində başlanmış cinayət işi yenidən qaldırılsın və haqq-ədalət öz yerini tapsın. Media nümayəndələrindən də xahiş edirəm ki, baş verən problemlərin işıqlandırılmasında dəstək olsunlar.
Bu gün rayonda qeyri-leqal borclara görə əhalinin işığını kəsib tökürlər. Amma əsl borcu olanların aktları gizlədilir. Həqiqət ondan ibarətdir ki, Günəşli, Petrovka, Maşlıq kəndlərinin, Göytəpə qəsəbəsinin və rayonun Məhəmməd Hadi küçəsinin abonentlərinin real borcları gizlədilir. Xahiş edirəm ki, dövlət orqanları bu kəndlərin əhalisinin işığa olan borclarını və yığım arasındakı fərqi yoxlasınlar, onda hansı oyunların oynanıldığı ortaya çıxacaq. Qanunla ödəniş poçtla köçürməli, amma sadaladığımız və digər kəndlərdə əhalinin pulunu aparıb poçta ödəməyə imkan vermirlər. Rayonun kəndlərində abonentlər işığa olan borclarını birbaşa nəzarətçilərə verirlər. Nəzarətçilər isə qəbzlərlə hansı oyun olsa çıxarırlar və büdcəyə keçəcək pullar mənimsənilir. Qəbzin nüsxələri poçtda olmalıdır, amma sadaladığımız kəndlərində qəbzlər hamısı nəzarətçilərin əlindədir. Xahiş edirəm ki, rayonun Muğan-Hamarqışlaq və Uzuntəpə kəndlərində abonentlərinin ödədiyi əllərində olan çeklərlə Cəlilabad EPŞ bazasında olan göstəriciləri tutuşdurasınız. Onda
görəcəksiniz ki, kəskin fərqlər üzə çıxacaq. Əhalinin işığa görə ödədiyi pulların çox hissəsi büdcəyə daxil olmur, möhtəkirlərin ciblərinə axır.
Qəbzlər adətən 3 nüsxədən ibarət olur. Abonent borcunu verərkən qəbzlərin arasına qara kraskalı kopirovka kağızı qoyurlar ki, üstə yazılan yazı altdakı nüsxələrə də düşsün. Lakin nəzarətçilər abonentdən pulu alarkən üstdəki məbləği düzgün yazıb vətəndaşın özünə qaytardıqları halda, altdakı nüsxələrin solğunluğundan istifadə edərək xırda məbləğ yazıb idarəyə təhvil verirlər. Məsələn, vətəndaş işığa olan borcuna 30 və ya 50 manat ödəyib çekini nəzarətçidən alır. Nəzarətçi isə o bir nüsxələrdə düzəlişlər apararaq sıfırları silir, müvafiq olaraq həmin rəqəmləri 3 və ya 5 yazaraq, aparıb o biri nüsxədə idarəyə təhvil verirlər. Beləliklə, vətəndaşın ödədiyi məbləğin çox hissəsi dövlətə deyil, kimlərinsə ciblərinə axır. Aydın Məmmədov Cəlilabad EPŞ-nə müdir təyin olunduqdan sonra, belə bu üsulla mənimsəmələr geniş vüsət almışdır. Ən böyük oğurluq Göytəpə qəsəbəsində davam etdirilir.
Dövlət orqanlarından, respublikanın hüquq mühafizə orqanlarından xahiş edirəm ki, Cəlilabad Elektrik Paylayıcı Şəbəkəsində baş verən “Qəbzlərin Alt-Üst Əməliyyatı” ilə bağlı təhqiqat aparılsın. Hal-hazırda rayonun bir çox kəndlərində qəbzlər qeyri-qanuni olaraq nəzarətçilərin əlindədir və onlar yuxarıda dediyimiz qəbzlərin alt-üst yazılması ilə vətəndaşın dövlətə ödədiyi pulu oğurlayırlar. Məhz buna görə də tez-tez vətəndaşın ödədiyi pul ilə idarənin göstəriciləri arasında uyğunsuzluq yaranır. Nəticədə vətəndaşla EPŞ arasında narazılıq qalxır, vətəndaş pulunun oğurlandığını və haqq-ədalətsizliyi görüb işıq pulu verməkdən imtina edir. Maşlıq, Muğan, Uzuntəpə, Hamarqışlaq, Ləkin, Kövüzbulaq, Cəlayir kəndlərinin camaatı işıq pulunu poçta ödəmək istəsələr də, onlara imkan verilmir, nəzarətçilər pulun onlara verilməsini tələb edirlər. Nəzarətçilər abonentlərə heç bir qəbz vermir, sadəcə pulları alıb gedirlər, 2-3 gündən sonra isə vətəndaşın evinə qəbz verir ki, filan qədər ödəmisən. Bütün bu qanunsuzluqlara son qoyilmalıdır.
Rayonun Əhməd Cavad küçəsində isə (Astanabad) böyük bir fırıldaq quraraq külli miqdarda dövlət pulunu mənimsədilər. Bu kəndin əhalisi kasıb olduğundan onların işığa çoxlu borcu yaranmışdı. Müdir Aydın Məmmədov Astanabad abonentlərinin köhnədən qurulmuş 3 faza sayğaclarını yeniləri ilə əvəz etdi. Əhalidən rüşvət toplayaraq köhnədən qalan borcları yoxa çıxardılar. Abonentlərdən 300 manatdan pul toplayaraq köhnə borcları sildilər. Hal-hazırda Astanabad sakinlərinin evlərinə yeni sayğaclar qoyulmuşdur və Aydın Məmmədov bu işlərdən də külli miqdarda qazanc əldə edir. Köhnə sayğacların isə hara yox olduğu bilinmir. Hüquq mühafizə orqanlarından xahiş edirəm ki bu məsələyə də aydınlıq gətirsinlər.
Xahiş edirəm ki, Cəlilabad Elektrik Paylayıcı Şəbəkəsinin mühasibat kağızları və eləcə də əhalinin dövriyyəsi tam yoxlanılsın, elektrik sistemində olan kütləvi yeyintilərə son qoyulsun.

gundemxeber.az