Saxta qətnamələr əsasında indiyə kimi 5000 nəfərdən çox şəxsə, iş stajı təyin edilmişdir

Göyçay rayon sakinləri ölkə rəhbəri cənab İlham Əliyevə, gömrük generalı Ehtiram Xəlilovun saxtakar, ruhi xəstə qohumu barədə məlumat vermək istəyirlər. Dövlətin büdcəsinin altından girən və üstündən də çıxmağı bacaran bu ruhi xəstə müdirin fəaliyyəti ciddi yoxlanılmalı və onun barəsində təcili tədbirlər də görülməlidir.
Belə ki, Dövlət Sosial Müdafiə Fondunun Göyçay rayon şöbəsinin müdiri Kamran Xəlilovun ruhi xəstəliyə görə həqiqi hərbi xidmətə yararsız hesab edilməsinə baxmayaraq, o, bu gün belə bir vəzifəyə yararlı hesab edilmişdir. Bunun da bir səbəbi var, onun arxasında əmisi oğlu gömrük generalı Ehtiram Xəlilovun dayanmasıdır. Elə bu səbəbdəndir ki, ruhi xəstə sənədi alan Kamran Xəlilov, həqiqətən də ruhi xəstələr kimi davranaraq dövlət vəsaitini göyə sovurmaqdadır. Atalar yaxşı deyib "dəliyə yer ver, əlinə bel ver".
2009-cu ilin oktyabr ayında bu vəzifəyə təyin olunan Kamran Xəlilov, rüşvət hesabına çoxlu sayda rayon sakinlərinə saxta əmək stajı təyin etdirib, dövlətə küllü miqdarda zərər vurmuşdur. Hansı ki, məhkəmə qaydasında iş stajının müəyyən edilməsi faktının təsdiq edilməsinə dair, Göyçay rayon Məhkəməsində qaldırılan iddialar üzrə keçirilən məhkəmə proseslərində maraqlı şəxs kimi çıxış edən, Dövlət Sosial Müdafiə Fondunun Göyçay rayon şöbəsində saxta sənədlərlə, yalançı-saxta şahidlərlə razılaşıb, saxta və qanunsuz qətnamələrin çıxarılmasına şərait yaratmış, həmin qətnamələrdən apelliyasiya şikayəti də verməmişdir. Həmin qətnamələr əsasında indiyə kimi 5000 nəfərdən çox şəxsə, saxta iş stajı təyin edilmişdir. Əgər bu məsələlər araşdırılarsa, o halda bəlli olar ki, həmin şəxslər göstərilən yerlərdə işləməyiblər. Sadəcə olaraq bütün bu saxtakarlıqları əvvəlcədən düşünülmüş şəkildə Kamran Xəlilovun özü hazırlayır, məhkəmədə qanuniləşdirir də küllü miqdarda qazanca da sahib olur. Bu saxtakarlığın obyektiv yoxlanılmasına zərurət var. Ruhi xəstə olan Kamran Xəlilov, Göyçay şəhərində Səməd Vurğun adına İnternat məktəbinin həyətində özünə böyük bir villa tikdirib. Həmin yer Uşaq İnternat Məktəbinin həyətyanı sahəsi olsa da, bələdiyyə sədri ilə əlbir olaraq o, həmin yeri qanunsuz olaraq zəbt etmişdir. Kamran Xəlilovun bütün fəaliyətinin obyektiv yoxlanılmasına zərurət olsa da, əmisi oğlu general Ehtiram Xəlilov bunu mümkünsüz edir. Kamran Xəlilov hal-hazırda çox əlləşir ki, yeni yaradılacaq Əmək və Əhalinin Sosial Müdafiəsi Nazirliyinin rayon şöbəsinin rəhbəri vəzifəsinə təyin olunsun. Nəinki yeni yaradılacaq vəzifəyə, hətta onun DSMF-nun Göyçay rayon şöbəsinin müdiri vəzifəsində qalması belə, dövlətin adına ləkə olmaqla bərabər, həmçinin dövlətin büdcəsini təhlükə altında da qoymuşdur. Mətbuat vasitəsi ilə Prezident İlham Əliyevə, Baş Prokuror cənab Zakir Qaralova, Əmək və Əhalinin Sosial Müdafiəsi Naziri cənab Səlim Müslümova, Hesablama Palatasına, DSMF-nun sədri cənab Elman Mehdiyevə müraciət edib xahiş edirik ki, bu cinayət faktını obyektiv araşdırasınız və Kamran Xəlilov barəsində ciddi tədbir də görəsiniz.
İmza: Göyçay rayon sakinləri
Seyidov Azər Əliəjdər oğlu

Babayev Pünhan Hamlet oğlu

Qasımov Sahib Dadaş oğlu

Taryel Bayramov

gundemxeber.az