Tovuzda piyadavurma hadisəsi qeydə alınıb.

Kəpəz TV (Region TV) xəbər verir ki, qəza gecə saatlarında rayonun Dondar Quşçu kəndində baş verib.

Kənd sakini, 24 yaşlı Tural Qurbanov evinə gedərkən "Mercedes" markalı avtomobil onu vurub. Müxtəlif bədən xəsarətləri alan piyada dərhal Tovuz Mərkəzi Rayon Xəstəxanasına çatdırlıb, yaralıya ilkin yardım göstərilib. Xəstəxanada verilən məlumata görə, Tural Qurbanovun vəziyyəti kafidir.

Faktla bağlı Tovuz rayon Polis Şöbəsində araşdırma aparılır.