"Azərbaycanda xüsusi turizm zonalarının yaradılması planlaşdırılır".

gundemxeber.az Trend-ə istinadən bildirir ki, bunu jurnalistlərə iqtisadiyyat nazirinin müavini Sevinc Həsənova deyib.

Onun sözlərinə görə, hökumət üçün bu məsələ aktualdır: "Artıq müvafiq sənədlər hazırlanıb və müzakirə edilir".

S.Həsənova qeyd edib ki, Xəzər akvatoriyasında xüsusi turizm zonalarının yaradılması nəzərdə tutulub ki, bu da çimərlik turizminin və turizm infrastrukturunun inkişafına xidmət edir.

O əlavə edib ki, turizm zonaları çərçivəsində vergi tətillərinin tətbiq edilməsi imkanı müzakirə olunur.