Mirmahmud MİRƏLİOĞLUNUN 60 yaşı
İstiqlalçı MİLLƏT VƏKİLİ, Klassik Xalq Cəbhəsi Partiyasının sədri sayğıdəyər Mirmahmud MİRƏLİOĞLU. Sizi 60 illik yubileyiniz münasibəti ilə təbrik edir, Sizə uzun ömür, can sağlığı və apardığınız milli mücadilədə uğurlar arzulayırıq.
Gələcək nəsillərə MİLLƏT VƏKİLİ nümunəsi göstərərək gənc milli dövlətimizin hüquq dövlətinə çevrilməsi, demokratiyanın bərqərar olunması, vətəndaş cəmiyyətinin yaranması uğrunda mübarizənizi bir anda dayandırmadan:
-İstiqlalçı;
-5 dəfə ölkə parlamentinə seçilmiş və 3 dəfə mandat almış;
-Dövlətimizi, dövlətçiliyimizi diz çökdürən total seçki saxtakarlığını halallıqla qazandığı deputat mandatından imtina etməklə tarixə yazan;
-Milli Məclisdəki milli dövlətçilik maraqlarına söykənən obyektiv çıxışları, kəskin tənqidləri və dəyərli təklifləri ilə xalqın qəlbində yer tutan;
-düşmənlərin, rəqiblərin və “dostlar”ın toparlanaraq hərbi qiyamla milli hökümətimizi yıxanlara qarşı ən kəskin mübarizə aparan;
-milli demoratik düşərgənin ən zəif olduğu bir vaxtda, bir çox siyasilərin və ziyalıların tribunalarda sonu görünməyən sıralarla yaltaqlıq və satqınlıq növbələrinə durduğu, dilini, dinini, əqidəsini dandığı, ağa qara dediyi bir vaxtda tiranlardan “yanvar faciəsindən öncə M.Qarbaçovla etdiyi telefon söhbətinin” mövzusunu soran;
-əsil generallardan üzr istəyərək quduz “generalların” üzünə “torpaqlarımız böyük bir hissəsi işğal altında olduğu bir vaxtda generalların sayı küçə itlərinin sayından çoxdur” deyən MİLLƏT VƏKİLİ Mirmahmud MİRƏLİOĞLU 60 yaşınızı təbrik edirik.
Millətin ümid yeri ELÇİBƏY təşkilatını-Bəyin ruhunun yaşadığı təşkilatı-xaricdən və daxildən olan basqılardan, rejimlərin hər cür reprsiyalarından, sağlığında Bəyə dönük çıxanlardan, Bəydən sonra üzü dönənlərdən, satqınlardan, ikiüzlülərdən, nadanlardan 16 ildir qoryub saxlayan, Haqqa tapınaraq, Yola inanaraq, Xalqa və cəbhəçilərlə sığınaraq varlığı ilə millətə bağlı çəbhəçiləri qoruyaraq saxlayan:
-Xalq Cəbhəsinin ən ağır dövründə Elçibəyin təşkilat məsələləri üzrə təyin etdiyi müavin;
-ağır repressiyalar altında Xalq Cəbhəsini təşkilatlandıraraq ayaqda durmasını təmin edən;
-ELÇİBƏYİN Xalq Cəbhəsindən uzaqlaşdırılmasının qarşısını alan;
-Xalq Cəbhəsində Elçibəyçilik ruhunun yaşamasının təminatçısı;
-Elçibəyin son anlarına qədər yanında olan VƏTƏNDAŞ Mirmahmud MİRƏLİOĞLU 60 illik yubileyinizi təbrik edirik.
Həyatında baş verən ağrıları-acıları allah sınağı qəbul edən, dərdinə şərik çıxanlara təsəlli verən, bütün sınaqlardan Allaha və millətə tapınaraq şəxsiyyətinə, əsl-nəcabətinə, təşkilatına və millətinə layiq şəkildə çıxan:
-Sözünə bütöv və İmzasına sadiq; -İnsanların ağır günərində dərdlərinə şərik, xoş günlərində sevinclərinə dəstək;
-Dosta sədaqətli, düşmənə yağı İNSAN Mirmahmud MİRƏLİOĞLU 60 yaşınızı təbrik edirik.
Millətin çətin günlərində ən düzgün yerdə durmağınla, daim milli maraqlara söykənən seçiminlə, böhranlı anlardakı cəsarətli çıxışlarınla Millətə və xalqımızın ümid yeri Rəsulzadə-Elçibəy yoluna sədaqətinlə millətin qəlbində yerləşən Mirmahmud MİRƏLİOĞLU, Sizi yubileyiniz münasibəti ilə bir daha təbrik edir və müstəqil dövlətimizi quranların, bərpa edənlərin, bu Yolda şəhid olanların, bu Yolun bu günki mücahidlərinin Müstəqil, Demokratik və Bütöv Azərbaycan hədəflərinin gerçəkləşməsi uğrundakı mücadilənizə uğurlar arzulayırıq.
Klassik Xalq Cəbhəsi Partiyası Ali Məclisinin üzvüləri.
01 sentyabr 2016. Bakı şəhəri.