23 avqust 2016-cı il tarixdə Şuşa rayonundan məcburi köçkün olan Şəkər Bağırovanı altı nəfərlə birlikdə dəfn etdik. Bəs İmişli RİH-nin şəhər üzrə nümayəndəsi nə işlə məşğul idi? Deyim ki, 530 hektar pambıq əkib, üç aydır ki, başı pambıq toplamağa qarışıb. Mərhum Şəkər ana 24 il idi ki, “Nuray” şadlıq sarayının ikinci mərtəbəsində döşəməsi beton, yayda cəhənnəm istiləri, qışda buz kimi olan otaqda, heç bir şəraiti, insanın yaşaması mümkün olmayan bir yerdə yaşayırdı. İki oğlundan biri Araz Bağırov, hal-hazırda iki-üç yaşında olan Fatimə və Zəhra adlı qızları və hamilə həyat yoldaşı ilə orada yaşayır. Araz ƏƏSMN-i cənab S.Müslümovdan yardım istəsə də, məktubla dəfələrlə şikayət etsə də “imtina” cavabı gəlib. Araz eyni zamada Qarabağ müharibəsində könüllü iştirak edən döyüşçüdür, qıçları minadan zədəlidir. Digər qardaşı Ayazın isə, ikiyaşlı oğlu Afrikada aclıq çəkən körpələrin vəziyyətindədir. Üzümü İmişli və Şuşadan olan milyarderlərə, milyonçulara tuturam: “Tikdirdiyiniz şah saraylarının bünövrəsinə körpə uşağın göz yaşı tökülərsə, o saraylarınız tar-mar olacaq”, necə ki, Bakıda 16-21 mərtəbəli binaları FHN yerlə-yeksan edir!
Dəfnə kömək üçün şadlıq sarayının 200 metrliyində olan Dəmiryolu Xəstəxanasının baş həkimi, qadın kimi özünə tumar verən Rafiq həkimin hüzuruna baş çəkdik. Bizi dərhal qovdular. Bu barədə Xural.kom xəbər portalında mənim, eləcə də Arzu Bağırovun Müxalifət.az xəbər portalında və “Hürriyyət” qəzetində “Qarabağ döyüşçüsündən prezidentə açıq məktub” başlıqlı məqalə dərc olundu. Məktubun surəti nazir O.Şirəliyevə, başçı Bayram Səfərova, səfirimiz, mərhumun həmyerlisi P.Bülbüloğluna göndərilmişdi. Nazir və başçıdan heç bir cavab çıxmadığı üçün mən sizə müraciər edirəm. 09 sentyabr 2016-cı il tarixdə Arazın hamilə həyat yoldaşını Dəmiryol Xəstəxanasında uşaq həkimi vəzifəsini daşıyan Hikmət adlı həkim qovduğu üçün, mənimlə yenidən ora getdik. Həkimə bildirdim ki, Günel hamilədir, eyni zamanda İmişli MRX-nın baş həkimi Cəsur Paşayev sizin üstünüzə göndərib ki, iki yaşlı Zəhra peyvənd olunsun. Həkim razılaşdı və mən oradan getdikdən sonra isə Günel xanıma deyib “indi də demaqoqluq edirsiniz? Demoqoqun birini üstümə gətirib mənə “xox” gəlirsiniz. Gedə bilərsən, bir də bura gəlmə”- deyib. Baş həkim də Araz Bağırova deyib ki, “o, demaqoqu hardan tapıb gətirmisiniz?”. Görünür bu adamlar mehtərlə ilxıçının, demaqoqla demokratın fərqini bilmirlər.
Əvvala alverçi olan və əməlli-başlıca var-dövlət qazanmış Rafiqlə bərabər, Hikmətə də bildirirəm ki, heç olmazsa “Hippokrat” andını xatırlayın, onsuz da sizə aid olmasa da, heç olmazsa islamiyyətdən uzaq olsanız da, qəlbinizdə iman, Allah xofu olsun. Birdə hər iki həkimin özləri demaqoq, mən isə demokratam, ilxıçıyam. Fərqini Korrupsiya İdarəsi yəqin ki, hər iki həkimə izah edər. Yoxlasınlar ki, Rafiqin az müddət ərzində bu qədər varı, villaları, iki xarici avtomobili, “Rance-Rover”-nin seriyasi 90 AB 999 haradandır? Xəstəxana onun dədəsinin mülküdürmü ki, İmişlidi də çox nüfuzlu həkimlər Hafiz və Rzaqulu orada işləsələr də, hər gün Rafiq ən azı yüz xəstə qəbul edib pul qazanır. Firma dərmanlardan tutmuş, xəstəxananın maliyyə xərcləri də onun cibinin məhsuludur. Hətta, bəzən xəstələri Babılara, Şirvana, Bakıya filan “həkimin” yanına göndərir, oradan da ona faiz çatır. Korrupsioner, aleverçi, dələduz özü ola-ola, adını başqasına qoymaqdan utanırmı ki, mənim heç velosipedim də yoxdur. Hətta, YAP İmişli rayon təşkilatının sədri Səfa Ağayev qardaşlarına da deyib ki, “həkimlərin qəbuluna gedin, yeri gələndə mənim sifariş-xahişimi onlara çatdırın”. Ay Səfa müəllim, görəsən bunlar sizə nə ad qoyacaqlar? Bu həkimlər nəfsinin, qəzəbinin, kininin, mal-sərvətlərinin zəlilidir, gözləri sizi görməz, arxaları var, özü də çox güclüdür.
Kütləvi İnformasiya Vasitələrinin hər birindən xahiş edirəm ki, Şuşanın başçısı B.Səfərova, səhiyyə nazıri O.Şirəliyevə, səfirimiz P.Bülbüloğluna sorğu ünvanlasınlar ki, niyə şuşalı köçkün Arzu Cəlil oğlu Bağırovun məktubuna, qəzetlərdəki müsahibəsinə reaksiya vermədiniz? Bu ailənin Allahın ixtiyarına buraxılmasına aydınlıq gətirməli, eləcə də ƏƏSMN-i Səlim Müslümovdan, Araz Cəlil oğlu Bağırovun vəziyyətinin ağır və gərgin olmasını nəzərə almağını rica edirəm.
Bu iki ailə əsirlikdə olanlardan da ağır durumdadır. Mağıl anaları 170 manat pensiya alırdı, ondan da məhrum oldular. Axı, kimsə bu ailəni nəzərə almalıdır! 13 sentyabr 2016-cı il tarixdə öyrəndim ki, hər iki ailəni yalnız Vilyam Hacıyev Qurban bayramı günü sevindirib. Həmən gün hər iki ailəyə hərbi komissar ərzaq bağlaması göndərib. Öyrəndik ki, Qulu Əsədovdur. Allahın evini həmin gün ziyarət edən, əsl hacı elə tanımadığım Q.Əsədovdur ki, iki hamilə qadını, üç azyaşlı körpələri sevindirib. Hatəm-Tai Allah-Təalanı qonaq çağırması, hamilə qadını boş yola salması, Tanrının isə “sənin qapına hamilə qadın sifətində gəlmişdim”- məsəli olaraq Araz, Ayaz qardaşları bildirdilər ki, “evdə çay, körpələrə şirinçay verməyə şəkər tozu, qənd, bir ovuc olsun belə heçnə yox idi”-dedilər. Allah həmişə yardımçınız olacaq cənab Q.Əsədov. Sabiq başçı Ə.Ağayevin dövründə qurbanlar kəsib paylayanların daha səsi gəlmir. Çünki, V.Hacıyev əvvəlki başçıdan fərqli olaraq, bunlarla deyil, aşağı təbəqə ilə işləyir. Bakıdan soraqları gələnlər sözsüz ki, nə vaxtsa Allahın qəzəbinə tuş gələcək, haram yolla, az müddətə varlananlar əvvəlki başçıdan, hətta Heydər Əliyevin adına olan parkı da özəlləşdiriblər. Parkda otel tikintisini hələlik Vilyam Hacıyev dayandırıb. Hələlik ona görə deyirik ki, Mərkəzi Xəstəxananın qarşısındakı parkın hər kvm-ni 20 qəpikdən özəlləşdirən Aslan Manafov, artıq parkın ərazisinin hər sotunu 5 (beş) min manatdan satıb, tikinti işlərinə başlayıb, parkın ərazisində uşaq bağçası və s. tikdirib. A.Manafov deputat Əsabil Qasımova söykənir, ona görə də V.Hacıyev ona mane ola bilmir.
Məhşur Heydər Əliyevçi əqidəsinə, sözünə sadiq deputat Arif Rəhimzadə Yasamal rayon Parkındakı özəlləşdirmə və qanunsuzluğa görə sərt reaksiya verib. Əsabil Qasımov isə qətiyyən bu cür etməz. Ə.Qasımov yalnız A.Manafov, Ə.Şükürov, Əziz Quliyev və s. kimi varlı milyonçuların vəkilidir, heç olmazsa Heydər Əliyevin adına olan parkdakı “özəlləşdirmələrə” belə reaksiya vermyib. Harın idarə rəislərini, platina rəisi M.Mirişovu, Rafiq həkimlər və s. kimiləri Əsabil Qasımovun himayəsindədirlər. Sabiq başçının, eləcə də onun əli ilə parkları özəlləşdirmişlərin, referendiumdan sonra yəqin ki, su qiymətinə özəlləşdirdiklərinə aydınlıq gətiriləcək. Eləcə də, İmişli MRX-nın baş həkimnin müavini Fərahimin Əziz Xələf oğlunun avtomaşınını qaçırdıb, xırd-xəşil etməsinə BDYPİ, İmişli rayon şöbəsinin rəisi aydınlıq gətirəcək.
Dünyasını dəyişən şuşalı köçkün Əsmayə Əliyeva mənzildə tənha yaşayırdı. Artıq o, mənzil boşdur. Əminəm ki, həmin mənzili İmişlinin evlər idarəsi Araz, yaxud da Ayaz Bağırovgilin ailələrinə verib, onları “əsirlikdən” xilas edəcək.
Şəhər ərazisini sahibsiz itlər bürüyüb, gecələr və səhərə yaxın vətəndaşlara kütləvi hücum edirər. Dəfələrlə yazmışıq şəhər nümayəndəliyindən bildirirlər ki, əgər itin birini vursaq, heyvan huquqçuları tv-ləri üstümüzə tökəcəklər. Baş baytar isə təzədir, yerində olmayan şəxsdir. Əvvəlki baş baytar Orucəli Zahidov ziyalı, tədbirli, alicənab şəxs idi, Hal-hazırda Bakı şəhərində Baş Baytarlıq İdarəsində işləyir. Vətəndaşlar itlərin quduz olmasından narahatdırlar. İmişli şəhər ərazisində bütün örüş yerləri satılıb. Sabiq başçı örüşləri satılan heyvan sahiblərinin qorxusundan, şəhər ərazisinin çobanını həbslə qorxutdu. Hətta, heyvan həbsxanası təşkil etdirmişdi ki, tutulan heyvanlara görə 200-600 manat rüşvət alınırdı. Məhkəmələr yolu ilə 600-800 manat cərimə olunanlardan biri də, bəndənizin qohumu idi. Həmin vaxt müavin Vaqif Vəliyev idi. O, açıq dedi ki, başçı (sabiq) Ə.Ağayev istəmir ki, vətəndaşlar şəhər ərazisində heyvan saxlasın. İnəyimizi biz də 300 manata satdıq. Axrıncı örüş sahəsi 6(altı) hektar mal-bazarının keçmiş ərazisi idi ki, Əvəz Şükürov hallalıq adı ilə oranı da “özəlləşdirib”.120 min manatdan çox xərci çıxıb, məqalələrimizə görə təqibini, hələlik dayandırıb, deyəsən iki addım geri çəkilib, axırıncı hücuma hazırlaşır. 11 metrəni vuranda hücumçu bir neçə metr geri çəkilir. O da deyəsən həmin oyunçulara oxşayır. Ə.Şükürovun gənc vaxtlarında yaxşı futbolçu olduğu da deyilir.

Məhbub Zülfüqarlı