33 saylı Xətai birinci seçki dairəsində seçicilərin aktivliyi müşahidə olunur.

Bu barədə Avropa.info-ya həmin seçki dairəsinin 24 saylı Məntəqə Seçki Məntəqəsindən məlumat verilib.

Xəbər verilir ki, səs verən seçicilər arasında ən yaşlı vətəndaş da iştirak edib. 107 yaşlı Nazilə İsak qızı səhər tezdən məntəqəyə gəlib və səsvermədə iştirak edib.

Referendum 125 seçki dairəsi, 5627 seçki məntəqəsi üzrə keçirilir. Seçki məntəqələrindən 5415-i daimi, 212-si müvəqqəti əsaslarla yaradılıb. Ölkə üzrə seçici siyahılarında qeydə alınmış seçicilərin sayı 5 milyon 276 min 111-dir ki, bunların 52 mindən çoxu seçkilərdə (referendumda) ilk dəfə iştirak edir, 454-nün yaşı 100-dən yuxarıdır. Həmçinin 111 seçici məhz səsvermə günü – sentyabrın 26-da səsvermə hüququ qazanıb.

Səsvermə saat 19.00-da başa çatacaq.